Samfélagsmiðlar

WOW þarf í samstarf við Icelandair eða Play

Þó hið endurreista WOW air ætli í loftið í mars þá hefur félagið ekki ennþá fengið afgreiðslutíma á flugvöllum fyrir ferðir til og frá Íslandi. Staða Play er sú sama en nú mun einn af eigendum Airport Associates vinna að fjármögnun félagsins. Þar með gæti WOW þurft að leita til Icelandair með alla þjónustu á Keflavíkurflugvelli.

Airport Associates sá um þjónustu við flugvélar WOW air. Nú er fer annar af stærstu eigendum fyrirtækisins fyrir hópi fjárfesta í Play.

Ef upphafleg áform um endurreisn WOW air og stofnun Play hefðu gengið eftir þá væru flugfélögin í dag þrjú talsins sem gerðu út frá Keflavíkurflugvelli. Það hefur hins vegar tekið mun lengri tíma að koma félögunum í loftið en í vikunni sagði Mbl.is frá því að nú væri stefnt að jómfrúarflugi hins nýja WOW air í mars. Fréttablaðið greinir svo frá því í dag að Elías Skúli Skúlason, stærsti eigandi flugþjónustufyrirtækisins Airport Associates, færi fyrir hópi nýrra fjárfesta í Play.

Airport Associates sá um alla þjónustu við flugvélar WOW air hér á landi og sú spurning vaknar því hvort þessi nýju tengsl milli fyrirtækisins og Play verði til þess að Michelle Roosevelt Edwards, upphafskona endurreisnar WOW, leiti annað með þjónustu við þotur sínar á Keflavíkurflugvelli. Þar hefur hún þó ekki úr mörgum kostum að velja því hitt fyrirtækið í þeim geira er IGS sem er í eigu Icelandair Group. Minni flugþjónustufyrirtæki munu varla geta sinnt afgreiðslu á þotum með mikla frakt en líkt og áður hefur komið fram ætlar WOW air sé stóra hluti í vöruflutningum til og frá Íslandi.

Forsenda fyrir því að flugfélög geti hafið sölu á farmiðum og flutningum er hins vegar að fyrir liggi afgreiðslutímar á flugvöllum. Heimildir Túrista herma að hvorki Play né WOW hafi fengið lendingartíma á Keflavíkurflugvelli eða út í heimi. Forsenda fyrir þess háttar úthlutun er að viðkomandi fyrirtæki hafi flugrekstrarleyfi en forsvarsmenn Play sóttu um slíkt í lok síðasta sumars. Ekki hafa fengist upplýsingar um hvaða flugrekstrarleyfi WOW air hyggst nota.

NÚ GETUR ÞÚ STUTT VIÐ ÚTGÁFU TÚRISTA

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …