Samfélagsmiðlar

Ekkert verður af Kínafluginu

Forsvarsfólk Juneyao Airlines hefur ákveðið að fella niður allt tengiflug frá Helsinki í ár. Þar með munu breiðþotur félagsins ekki fljúga til Íslands.

Þriðjudaginn 31. mars næstkomandi var von á Boeing Dreamliner þotu kínverska flugfélagsins Juneyao til Keflavíkurflugvallar. Í framhaldinu var svo ætlunin að félagið myndi fljúga hingað tvisvar í viku fram í lok október frá Sjanghæ með viðkomu í Helsinki.

Jómfrúarferð Juneyao Airlines til Íslands var svo seinkað fram í lok apríl og í gær greindi Túristi frá því að búið væri að loka fyrir pantanir í þær tuttugu og þrjár brottfarir sem ennþá voru á áætlun.

Núna liggur aftur á móti fyrir að sala í þær hefst ekki á ný. Forráðamenn Juneyao Airlines hafa nefnilega fellt niður allar ferðir félagsins í ár til Keflavíkurflugvallar samkvæmt heimildum Túrista. Sömu sögu er að segja um áform um áætlunarferðir til Dublin og Manchester. Það er útbreiðsla Covid-19 kórónaveirunnar sem er megin skýringin á þessari breyttu áætlun.

Ef af Íslandsflugi Juneyao hefði orðið þá hefði félagið haft á boðstólum í ár rétt um tuttugu þúsund sæti í flugi til Keflavíkurflugvallar. Til samanburðar komu hingað 99 þúsund kínverskir ferðamenn í fyrra.

 

Nýtt efni
Veitingaþjónusta

Íslenskt atvinnulíf er mjög háð aðfluttu vinnuafli. Það á ekki síst við um ferðaþjónustuna. Umsvif hennar væru mun minni ef ekki kæmu hingað útlendingar þúsundum saman til starfa á ári hverju. Samkvæmt Hagstofunni voru 35.233 starfandi í einkennandi greinum ferðaþjónustu á Íslandi í júní 2023. Þar af voru um 15.500 útlendingar.  Heildartalan yfir þá sem …

Áætlunarflug milli Akureyrar og London hófst í lok október og síðan þá hafa þotur Easyjet flogið þessa leið tvisvar í viku en engin talning fer fram á fjölda ferðamanna á Akureyrarflugvelli öfugt við það sem tíðkast á Keflavíkurflugvelli. Til að meta fjölda breskra ferðamanna í beina fluginu þarf því að styðjast við gistináttatölur Hagstofunnar en …

Frakkar fjölmenna til Íslands allt árið um kring og í fyrra flugu frá Keflavíkurflugvelli 99 þúsund farþegar með franskt vegabréf. Það jafngildir því að fimm af hverjum 100 ferðamönnum hér á landi séu franskir enda eru flugsamgöngur milli Íslands og Parísar tíðar og stefnir í að þeir verði óvenju miklar næsta vetur. Það eru því …

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …