Flug frá Kaupmannahöfn úr skorðum vegna skyndiverkfalls

Á þessari stundu ríkir óvissuástand í flugstöðinni við Kastrup eftir að starfsfólk í vopnaleit lagði niður störf óvænt í morgun. Ekki hafði verið boðað til verkfallsins og í dönsku pressunni nú í morgunsárið er haft eftir upplýsingafulltrúa flugvallarins að um sé að ræða ólöglega vinnustöðvun. Ekki segir hver ástæðan er fyrir óánægju starfsfólksins.

Núna er aðeins eitt hlið opið í öryggisleitinni og biðtíminn mun vera um hálftími. Af þeim sökum er búið að seinka brottförum frá Kaupmannahöfn um klukkutíma.

Aðgerðirnar hófust klukkan hálf átta að dönskum tíma í morgun og höfðu því ekki áhrif á flug SAS til Íslands hálftíma síðar. Klukkan eitt eftir hádegi á þota Icelandair að fljúga frá Kaupmannahöfn til Íslands og er hún ennþá á áætlun en henni gæti þó seinkað miðað við stöðuna núna. Í kvöld er svo á dagskrá seinni ferð Icelandair frá Kaupmannahöfn í dag.

Uppfært: 11:23: starfsfólk í öryggisleit Kaupmannahafnarflugvallar hefur snúið aftur til vinnu. Hádegisbrottför Icelandair þaðan hefur verið einkað um 25 mínútur.

Bretar stíga á bremsuna

Ákvörðun bresku ríkisstjórnarinnar um að seinka banni við sölu á nýjum bensín- og dísilbílum er harðlega gagnrýnd af bílaiðnaðinum sem vinnur að orkuskiptum og hefur fjárfest mikið í nauðsynlegum tæknibreytingum. Ákvörðunin er talin skapa ringulreið í iðnaðinum og meðal neytenda.

Verðlækkunin mögulega skammgóður vermir

Olíuverð hefur hækkað um fimmtung síðustu þrjá mánuði og kallaði sú þróun á viðbrögð frá stjórnendum Icelandair og Play. Hjá því fyrrnefnda er nú reiknað með minni hagnaði í ár en hjá því síðarnefnda mun tapið aukast. Nú í vikunni hefur verð á Norðursjávarolíu lækkað og tonn af þotueldsneyti kostar nú 1030 bandaríkjadollara eða 140 … Lesa meira

„Toyota er að setja mikið afl í þróun rafbíla“

„Þó að Toyota sé ekki í forystusætinu í rafbílavæðingunni nú um stundir þá mun Toyota verða í það til lengri tíma litið," segir Úlfar Steindórsson, forstjóri Toyota á Íslandi, í viðtali við Túrista um sókn Kínverja inn á bílamarkað og stöðu Toyota til lengri tíma.

Niður fyrir 7 milljarða

Gengi hlutabréfa í Play hélt áfram að lækka í Kauphöllinni í dag en félagið tilkynnti fyrir tveimur vikum að tap ársins yrði meira en gert var ráð fyrir. Frá þeim tíma hefur gengið farið niður um þriðjung og lækkunin nemur 65 prósentum ef miðað er október 2021 þegar gengið fór hæst. Markaðsvirði Play í dag … Lesa meira

Bláa lónið fær alþjóðlega vottun

Bláa lónið hefur hlotið alþjóðlega gæðavottun B Corp en tilgangur hennar er að umbylta viðskiptaháttum með því að fá fyrirtæki til að meta þau áhrif sem starfsemi þeirra hefur, til dæmis á umhverfi, einstaklinga og samfélög, til jafns við fjárhagslegan gróða. „Frá upphafi hefur markmið Bláa Lónsins verið að stuðla að aukinni vellíðan með fjölnýtingu … Lesa meira

Flug frá Kaupmannahöfn úr skorðum vegna skyndiverkfalls

Langar raðir hafa myndast við vopnaleitina í flugstöðinni við Kastrup.

Áfram er Icelandair á niðurleið og bandarískir sjóðir losa sig við hlutabréf