Samfélagsmiðlar

Kínverjar og Danir bættu við langflestum hótelnóttum

Færri danskir ferðamenn en miklu fleiri Danir á íslenskum hótelum í fyrra en árið á undan.

Frá Exeter hótelinu við Tryggvagötu.

Það komu um tíu þúsund fleiri kínverskir ferðamenn hingað til lands í fyrra og samtals bókuðu Kínverjar um 35 þúsund fleiri hótelnætur á íslenskum hótelum allt síðastliðið ár. Hótelnóttum Dana fjölgaði aðeins minna eða um tæplega 33 þúsund samkvæmt tölum Hagstofunnar. Það vekur athygli því samkvæmt talningu Ferðamálastofu þá komu hingað rétt um sautján hundruð færri danskir ferðamenn í fyrra.

Skýringin á þessu liggur líklegast í því að Danir sækja núna í miklu meira mæli í hótelgistingu þegar þeir ferðast um Ísland og dvelja lengur. En það telst vera ein dönsk hótelnótt þegar Dani gistir í eins manns herbergi eina nótt. Aftur á móti jafngildir það fjórum dönskum hótelnóttum þegar dönsk hjón deila tveggja manna herbergi í tvær nætur.

Nýbirtar gistináttatölur Hagstofunnar er ennþá eingöngu hægt að greina eftir þjóðernum þegar horft er til hótela. Þar með getum við ekki skoðað hveru margar dönsku næturnar voru á gistiheimilum, tjaldstæðum, íbúðum o.s.frv.

Aftur á mót sýna tölur síðustu ára að rúmlega helmingur gistinótta Dana hér á landi er á hótelum. Það hlutfall hefur þá að öllum líkum hækkað verulega í fyrra og lægri verðskrár hótela kunna þar að hafa verulega áhrif.

Sambærileg þróun hefur orðið hjá mun fleiri þjóðum í fyrra eins og sjá má á listanum hér fyrir neðan. Þar er að finna þær tíu þjóðir sem bættu við sig flestum hótelnóttum í fyrra en ferðamönnum frá nær öllum þessum löndum fækkaði þó hér á landi í fyrra.

 

EF ÞÉR FINNST GAGN Í SKRIFUM TÚRISTA ÞÁ GETURÐU STUTT VIÐ BAKIÐ Á ÚTGÁFUNNI

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …