Samfélagsmiðlar

Loks verðdagatal hjá Icelandair

Nú má skoða hvernig fargjöldin hjá Icelandair eru yfir langt tímabil en þess háttar hefur lengi verið í boði hjá mörgum af keppinautum íslenska félagsins.

Farþegar eru vafalítið oft með ákveðna ferðadaga í huga þegar halda á úti í heim. Það kemur þó líka fyrir að fólk er sveigjanlegt og láti fargjöldin ráða ferðinni. Og það er sennilega megin skýringin á því að hjá mörgum flugfélögum hefur lengi verið hægt að sjá hvað farmiðinn kostar yfir langt tímabil, t.d. einn mánuð í einu. Þannig var það til að mynda hjá WOW air.

Á heimasíðu Icelandair hefur aftur á móti ekki tíðkast að birta þess háttar yfirlit og látið duga að sýna fargjöld fyrir nokkra daga í einu. En allt er breytingum háð og núna birtast fargjöld fyrir allt að tvo mánuði í bókunarvél Icelandair eins og sjá má á myndinni hér fyrir ofan.

Farmiðaverð næstu mánaða birtast strax ef eingöngu er óskað eftir flugsæti aðra leiðina. Aftur á móti koma aðeins upp verð á heimferðum næstu þrjá vikur ef leitað er eftir flugi út og heim aftur. Hvað sem því líður er ljóst að þetta er töluverð framför fyrir þá sem vilja skoða fargjöld Icelandair eftir dagsetningum og bera saman við kepppinautanna.

Hafa ber í huga að fargjöldin sem birtast í þessu nýja yfirliti á heimasíðu Icelandair eru úr Economy Light verðflokknum. Þeim fylgir ekki innritaður farangur og farþegar fá helmingi færri vildarpunkta en þeir sem kaupa Economy Standard miða.

 

 

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …