Samfélagsmiðlar

Miklu fleiri til Íslands frá Suður-Ameríku

Ferðamenn sem hingað koma frá Mið- og Suður-Ameríku eru ekki taldir sérstaklega á Keflavíkurflugvelli. Gistináttatölur Hagstofunnar sýna þó að þeim hefur fjölgað hratt hér á landi.

Það eru tíðar flugferðir í boði milli Íslands og Bandaríkjanna en aftur á móti er ekkert flogið héðan til landa sunnan við bandarísku landmærin. Þaðan koma þó sífellt fleiri ferðamenn samkvæmt því sem lesa má út úr gistináttatölum Hagstofunnar. Þar má sjá hversu margar gistinætur Brasilíumenn og svo annars vegar aðrir íbúar Suður- og Mið-Ameríku hafa bókað á íslenskum hótelum síðustu ár. Og þar hefur aukningin verið umtalsverð.

Í fyrra voru hótelnætur fólks frá þessum heimshluta nærri 38 þúsund sem er rúmlega þrefalt meira en árið 2016. Til samanburðar þá bókuðu Indverjar ögn færri gistinætur á hótelum hér á landi í fyrra og íbúar S-Kóreu stóðu fyrir helmingi færri.

Þegar rýnt er í gistitölur ferðafólks frá S- og M-Ameríku síðustu ár sést að þær tóku stórt stökk upp á við árið 2017 en þá jókst líka töluvert framboð á flugi til Norður-Ameríku. Aftur á móti fækkaði gistinóttunum ekki í fyrra þrátt fyrir að flugframboðið til Bandaríkjanna hafi þá dregist verulega saman. Hafa ber í huga að talning Hagstofunnar byggir á útgáfulandi vegabréfanna.

Í viðtalið Túrista við framkvæmdastjóra United Airlines í fyrra kom fram að eftirspurn eftir Íslandsflugi flugfélagsins hafi verið töluverð hjá farþegum þess sem hófu ferðalagi í Kólumbíu og Mexíkó.

Eins og sjá má á grafinu fyrir neðan þá var ekki ýkja mikil árstíðarsveifla í komum ferðamanna hingað frá S- og Mið-Ameríku í fyrra. Og athygli vekur hversu margar þær eru í október. Langflestir ferðamenn sem hingað koma frá löndum í þessum heimshluta gista á höfuðborgarsvæðinu. Suðurland er næst vinsælasti landshlutinn.

NÚ GETUR ÞÚ STUTT ÚTGÁFU TÚRISTA

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …