Samfélagsmiðlar

Mun taka langan tíma að koma MAX þotunum í loftið á ný

Áfram gera stjórnendur Boeing sér vonir um að kyrrsetningu MAX þotanna verði aflétt um mitt þetta ár. Þar með er ekki sagt að allar sjö hundruð þoturnar sem tilbúnar eru verði teknar í notkun.

MAX þotur Icelandair.

Nú eru ellefu mánuðir liðnir frá því að Boeing MAX þota Ethopian Airlines hrapaði til jarðar með þeim afleiðingum að 157 manns létu lífið. Í kjölfarið voru allar flugvélar af gerðunum Boeing MAX 8 og 9 kyrrsettar. Nokkrum mánuðum áður hafði nefnilega þota Lion Air farist með 189 manns innanborðs og aðdragandi slysanna tveggja þótti strax mjög líkur. Síðar hefur komið í ljós að rekja mátti orsakir slysanna til sérstaks hugbúnaðar í MAX þotunum.

Þegar kyrrsetningin var sett á í mars í fyrra þá voru tæplega fjögur hundruð MAX þotur komnar í notkun hjá flugfélögum víð og dreif um heiminn. Icelandair hafði til að mynda fengið til sín sex af þeim sextán þotum sem félagið hefur pantað. Framleiðsla á nýjum MAX þotum hélt svo áfram í verksmiðjum Boeing út allt síðasta ár og nú standa um þrjú hundruð þotur tilbúnar á flugbrautum og bílastæðum í kringum verksmiðjur Boeing og víðar. Þrjár þeirra hafa verið málaðar í litum Icelandair.

Að koma þessum sjö hundrað flugvélum í gagnið á ný mun „taka nokkra ársfjórðunga“ að mati Randy Tinseth, framkvæmdastjóri markaðsmála hjá Boeing. Þetta kom fram í viðtali við hann hjá fréttaveitunni Bloomberg í gær. Þar sagði hann jafnframt að framleiðsla á MAX þotunum yrði ekki sett í gang á ný fyrr en þær vélar sem fullsmíðaðar eru verði komnar í notkun.

Ein ástæða þess að ferlið mun taka svona langan tíma er sú nýja krafa um þeir flugmenn sem fljúga eiga MAX þotunum verði að gangast undir þjálfun í flughermi. Þess háttar hermar eru þó af skornum skammti en einn þeirra er í eigu Icelandair. Sú staðreynd gæti því flýtt fyrir því að félagið getið tekið sínar MAX þotur í gagnið. Aftur á  móti stefnir í að biðin eftir þeim sjö þotum sem einnig hafa verið pantaðar af Icelandair verði ennþá lengri.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …