Samfélagsmiðlar

Norwegian tapaði 22 milljörðum króna í fyrra

Stjórnendur norska lággjaldaflugfélagsins kynntu í morgun afkomu síðasta árs og ræddu þörfina á að halda áfram að skera niður.

norwegian vetur

Það hefur ríkt umtalsverð spenna í kringum Norwegian síðustu ár. Félagið hefur stækkað hratt og opnað starfsstöðvar víða í Evrópu og líka í Bandaríkjunum og jafnvel í Argentínu. Á sama tíma hefur fyrirtækið gert risastóra kaupsamninga á þotum frá bæði Boeing og Airbus. Vélarnar sem norska félagið hefur fengið frá Boeing hafa þó reynst dýrkeyptir gallagripir, bæði Dreamliner og MAX þoturnar.

Nú hefur félagið lokað fimm starfstöðvum í Evrópu, komið sér út úr taprekstrinum í Argentínu og selt flugvélar. Þar með hefur félagið fengið inn fjármagn til að standa undir núverandi taprekstri. Og nú í morgunsárið birti félagið afkomu sína á síðasta ári og niðurstaðan var tap upp á 1,6 milljarð norskra króna. Það jafngildir um 22 milljörðum íslenskra króna.

Til samanburðar tapaði Icelandair Group 7,1 milljarði í fyrra en flugfélög samsteypunnar fluttu 4,7 milljónir farþega í fyrra eða um átta sinnum færri en Norwegian gerði.

Norwegian hefur þó ekki ennþá gengið frá samkomulagi við Boeing varðandi bætur vegna MAX þotanna. Það hefur Icelandair aftur á móti gert sem þá hefur dregið úr taprekstri þess félags í fyrra.

Í máli Geir Karlsen, fjármálastjóra Norwegian, á afkomufundi félagsins í morgun kom fram að viðræður við Boeing hafi dregist á langinn og úr þessu þá verði að semja um bætur fyrir komandi sex mánuði líka. Það liggi nefnilega fyrir að MAX þoturnar fara ekki í loftið fyrr en í fyrsta lagi um mitt þetta ár. Karlsen sagði það líka augljóst að Boeing nær aldrei að standa við afhendingartíma á þeim þotum sem ekki hafa nú þegar verið framleiddar.

Norwegian hefur skorið verulega niður sætaframboð síðustu mánuði og gera má ráð fyrir áframhaldandi niðurskurði. Skuldastaða félagsins líka mjög þung líkt og endurtekið hefur komið fram í máli stjórnenda félagsins.

 

Nýtt efni
Veitingaþjónusta

Íslenskt atvinnulíf er mjög háð aðfluttu vinnuafli. Það á ekki síst við um ferðaþjónustuna. Umsvif hennar væru mun minni ef ekki kæmu hingað útlendingar þúsundum saman til starfa á ári hverju. Samkvæmt Hagstofunni voru 35.233 starfandi í einkennandi greinum ferðaþjónustu á Íslandi í júní 2023. Þar af voru um 15.500 útlendingar.  Heildartalan yfir þá sem …

Áætlunarflug milli Akureyrar og London hófst í lok október og síðan þá hafa þotur Easyjet flogið þessa leið tvisvar í viku en engin talning fer fram á fjölda ferðamanna á Akureyrarflugvelli öfugt við það sem tíðkast á Keflavíkurflugvelli. Til að meta fjölda breskra ferðamanna í beina fluginu þarf því að styðjast við gistináttatölur Hagstofunnar en …

Frakkar fjölmenna til Íslands allt árið um kring og í fyrra flugu frá Keflavíkurflugvelli 99 þúsund farþegar með franskt vegabréf. Það jafngildir því að fimm af hverjum 100 ferðamönnum hér á landi séu franskir enda eru flugsamgöngur milli Íslands og Parísar tíðar og stefnir í að þeir verði óvenju miklar næsta vetur. Það eru því …

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …