Samfélagsmiðlar

Uppselt í páskaferðir til Kína

Bæði Heimsferðir og Vita eru með ferðir á dagskrá til Kína nú í apríl. Um miðjan þennan mánuð verður tekin ákvörðun um það hjá Heimsferðum hvort hætt verði við eða ferðinni slegið á frest.

Kínamúrinn.

„Við erum að sjálfsögðu áhyggjufull vegna kórónaveirunnar,“ segir Tómas J. Gestsson, forstjóri Heimsferða, aðspurður um tvær Kínaferðir sem ferðaskrifstofan hefur skipulagt nú í apríl. En flugsamgöngur til og frá Kína eru í mikilli óvissu þessa dagana vegna útbreiðslu Wuhan kórónaveirunnar. Stjórnendur Juneyao flugfélags hafa til að mynda lokað fyrir bókanir á fyrstu ferðum félagsins til Íslands í apríl.

Það er uppselt í fyrri ferð Heimsferða til Kína og verður lagt í hann að óbreyttu þann 3. apríl og komið heim tuttugu dögum síðar. Seinni ferðin er þremur dögum styttri og brottför á dagskrá 22. apríl. Ennþá eru laus sæti í hana og kostar farið 482.900 krónur.

Samtals hafa selst fimmtíu sæti í þessar tvær Kínareisur Heimsferða en sala hófst fyrir níu mánuðum síðan. Að sögn Tómasar þá hefur farþegunum verið tilkynnt að um miðjan febrúar liggi fyrir hvert framhaldið verður. Til greina komi að aflýsa ferðunum í apríl eða bjóða upp á brottfarir síðar í ár í staðinn.

Ferðaskrifstofan Vita, sem eru í eigu Icelandair Group, efnir einnig til Kínaferðar í byrjun apríl. Um er að ræða fjórtán daga ferð og er uppselt í hana.

Nýtt efni
Veitingaþjónusta

Íslenskt atvinnulíf er mjög háð aðfluttu vinnuafli. Það á ekki síst við um ferðaþjónustuna. Umsvif hennar væru mun minni ef ekki kæmu hingað útlendingar þúsundum saman til starfa á ári hverju. Samkvæmt Hagstofunni voru 35.233 starfandi í einkennandi greinum ferðaþjónustu á Íslandi í júní 2023. Þar af voru um 15.500 útlendingar.  Heildartalan yfir þá sem …

Áætlunarflug milli Akureyrar og London hófst í lok október og síðan þá hafa þotur Easyjet flogið þessa leið tvisvar í viku en engin talning fer fram á fjölda ferðamanna á Akureyrarflugvelli öfugt við það sem tíðkast á Keflavíkurflugvelli. Til að meta fjölda breskra ferðamanna í beina fluginu þarf því að styðjast við gistináttatölur Hagstofunnar en …

Frakkar fjölmenna til Íslands allt árið um kring og í fyrra flugu frá Keflavíkurflugvelli 99 þúsund farþegar með franskt vegabréf. Það jafngildir því að fimm af hverjum 100 ferðamönnum hér á landi séu franskir enda eru flugsamgöngur milli Íslands og Parísar tíðar og stefnir í að þeir verði óvenju miklar næsta vetur. Það eru því …

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …