Verð á þotueldsneyti tekur dýfu

Umtalsverður hluti af rekstrarkostnaði flugfélaga er rakinn til kaupa á þotueldsneyti. Af þeim sökum tryggja mörg flugfélög sér stóran hluta af eldsneytinu langt fram í tímann til að draga úr sveiflum. Þessa stundina borga þessi flugfélög þó töluvert yfirverð því verð á olíu hefur lækkað um fimmtung nú í ársbyrjun. Verðið hefur að ekki verið eins lágt á þessum tíma árs síðan 2015 samkvæmt frétt Reuters. Þar kemur fram að ástæðan fyrir lækkuninni skrifist á óvissuna sem kórónavírusinn veldur en verulega hefur dregið úr flugi til og frá Kína síðustu daga.

Hjá Icelandair hefur þeirri stefnu verið fylgt að um helmingur af eldsneytiskaupum félagsins hafa verið tryggð 12 mánuði fram í tímann og 6 til 8 prósent keypt með allt að 18 mánaða fyrirvara. Og til marks um kostnaðinn þá var olíureikningur félagsins um 32 milljarðar króna árið 2018 samkvæmt árssreikningi. Fimmtungur af rekstrarkostnaði félagsins var þá rakinn til eldsneytiskaupa en hlutfallið var ögn lægra árið 2017.

Verði þessi mikla verðlækkun á olíu langvarandi ætti Icelandair að spara sér verulega upphæðir í kaupum á eldsneyti. Þannig gerði áætlun félagsins, sem birt var fyrir ári síðan, að nú í byrjun 2020 yrði olíuverðið um fjórðungi hærra en það er í dag. Þá var reyndar gert ráð fyrir að í flota Icelandair væru nýjar MAX þotur sem eru mun spartneyttari en gömlu Boeing þoturnar sem félagið notar í dag. Það vegur að einhverju leyti upp á móti verðlækkuninni.

Á sama tíma má þá gera ráð fyrir að áframhaldandi lágt olíuverð haldi fargjöldum niðri því sem fyrr segir vegur eldsneytiskostnaðurinn þungt í rekstri flugfélaga. Það er skýringin á því að stjórnendur flugfélaga eru oft ákafir í að leggja á sérstakt eldsneytisgjald á farmiðaverðið þegar olíuverðið hefur hækkað umtalsvert.

NÚ GETUR ÞÚ STUTT VIÐ BAKIÐ Á ÖFLUGRI TÚRISTA

Þrjú skemmtiferðaskip með rúmlega sjö þúsund farþega

Meira en sjö þúsund farþegar hafa streymt til og frá Sundahöfn í Reykjavík á einum annasamasta skipakomudegi ársins. Þrjú skemmtiferðaskip liggja við bryggju. Umferðarstýring hefur verið bætt á hafnarsvæðinu og farþegum bjóðast fleiri flutningsmöguleikar. Það eru rútur af ýmsum gerðum frá mörgum ferðaþjónustufyrirtækjum sem sækja farþega skipanna í skipulagðar ferðir. Einnig eru í boði ferðir … Lesa meira

Icelandair til Færeyja og flugfélag heimamanna til Bandaríkjanna

Icelandair ætlar að hefja flug til Færeyja þann 1. maí á næsta ári og verður ferðunum haldið úti fimm til sex sinnum í viku út október. Flogið verður til Færeyja að morgni dags frá Keflavíkurflugvelli og farþegar geta því tengt ferðirnar við flug Icelandair til og frá Bandaríkjunum. Þjóðarflugfélag Færeyja, Atlantic Airways, er einmitt að … Lesa meira

Evrópusambandið kynnir fjármagnaða aðgerðaáætlun í geðheilbrigðismálum

Markmið Evrópusambandsins er að hugað verði að geðheilsu til jafns við líkamlega heilsu. Kynnt hafa verið 20 verkefni á sviði geðheilbrigðismála og því lýst hvernig eigi að fjármagna þau með 1,2 milljarða evra framlögum úr sjóðum sambandsins. Talið er miklu kostnaðarminna að grípa til aðgerða en að gera ekki neitt.

Velgegni Play snýst ekki um að Icelandair gangi illa

Farþegar sem millilenda hér á landi á leið sinni yfir Atlantshafið eru Icelandair og Play mikilvægir. Stjórnendur félaganna horfa þó í meira mæli til fólks á leið í Íslandsferð og hjá Icelandair vegur sá hópur mun þyngra í dag. Forstjóri Play segir skiptinguna í sumar verða aðra.

„Hefur skort hleðsluinnviði og fyrirsjáanleika“

„Loksins þegar allur almenningur ætti að geta eignast rafbíl þá koma nýir skattar í veg fyrir það. Þetta eru röng skilaboð," segir Jón Trausti Ólafsson, framkvæmdastjóri Öskju. Hann gagnrýnir að á Íslandi hafi skort samhæfða stefnu stjórnvalda um hvernig standa eigi að rafbílavæðingunni. Það vanti allan fyrirsjáanleika.