Samfélagsmiðlar

16 þúsund starfsmenn skandinavískra flugfélaga verkefnalausir

Landamærum hefur verið lokað og stjórnvöld ráðleggja fólki að halda sig heima vefna útbreiðslu kórónaveirunnar. Eftirspurn eftir ferðalögum er því lítil sem engin þessa dagana. Það hefur gríðarleg áhrif á rekstur flugfélaga.

Frá Kaupmannahafnarflugvelli. Þar verður tómlegt næstu daga enda hafa dönsk stjórnvöld lokað landamærunum til að reyna að hefta útbreiðslu kórónaveirunnar.

Síðustu daga hafa stjórnendur SAS og Norwegian, tveggja stærstu flugfélaga Norðurlanda, tilkynnt um verulegan samdrátt í flugi og samhliða því verður fjöldi starfsmanna sendur heim. Hjá Norwegian er um að ræða helming starfsfólksins eða um fimm þúsund manns. Tvöfalt fleiri fara nú í leyfi frá vinnu sinni hjá SAS eða níu af hverju tíu starfsmönnum félagsins.

Stærsta hluta flugflota félagsins verður líka haldið á jörðu niðri frá og með morgundeginum því nærri allt áætlunarflug SAS verður lagt niður tímabundið líkt og forstjóri félagsins tilkynnti á fundi með blaðamönnum seinnipartinn í dag. Í dag gáfu stjórnendur Widerøe, sem er stórtækt í innanlandsflugi í Noregi, svo út að helmingur starfsmann þess yrði sendur heim. Það jafngildir eitt þúsund manns.

Reglur um svona tímabundin leyfi eru mismunandi eftir löndum Skandinavíu. Og vegna krísunnar sem kórónaveiran hefur valdið hafa stjórnvöld bæði í Noregi og Danmörku kynnt sérstakar tilslakanir á þeim kröfum sem atvinnurekendur verða að uppfylla til að senda starfsfólk heim. Í Noregi munu stjórnvöld nú taka yfir launagreiðslur til starfsmanna stærri hluta af tímanum en áður og í Danmörku mun ríkið greiða 75 prósent af launum. Þar verða launþegarnir sjálfir líka að nota hluta af orlofsdögum sínum.

Þessar nýju reglur eru meðal aðgerða sem ríkisstjórnir Noregs og Danmerkur hafa boðað til að létta undir með atvinnulífinu vegna krísunnar sem kórónaveiran hefur valdið. Í Svíþjóð eru reglurnar ekki eins sveigjanlegar og kallar forstjóri SAS eftir breytingum svo hægt verði að komast hjá uppsögnum.

Norsk stjórnvöld bættu svo um betur seinnipartinn í dag. Þá tilkynnti Erna Solberg, forsætisráðherra, um stofnun sérstaks neyðarsjóðs vegna kórónaveirunnar. Framlag hins opinbera í sjóðinn nemur 100 milljörðum norskra króna sem jafngildir um 1,3 billjónum íslenskra króna.

Forstjóri SAS hefur þegar lýst áhuga sínum á að kanna möguleikan á að sækja um fé úr sjóðnum. Gera má ráð fyrir að starfsbróðir hans hjá Norwegian sé einnig að skoða umsókn því á blaðamannafundi sínum fyrir helgi sagði hann félagið þurfa á stuðningi að halda til að komast í gegnum núverandi krísu.

 

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …