Samfélagsmiðlar

Biðja starfsmenn um að taka á sig 20 prósent launalækkun

Vegna krísunnar sem kórónaveiran hefur valdið í fluggeiranum þá hafa æðstu yfirmenn SAS ákveðið að lækka laun sín tímabundið um fimmtung. Þeir biðla nú til undirmanna sinna að sætta sig við sömu skerðingu en þó gegn minni vinnu.

Útbreiðsla kórónaveirunnar hefur valdið þungum búsifjum í fluggeiranum enda hefur dregið verulega úr bókunum. Af þeim sökum hefur fjöldi flugferða verið felldur niður og ekki sér fyrir endann á áður boðuðum niðurskurði. Það á meðal annars við um Icelandair en í morgun tilkynnti félagið að líklega yrði gripið til frekari aðgerða vegna útbreiðslu kórónaveirunnar.

Hjá skandinavíska flugfélaginu SAS hefur líka verið gripið til þess ráðs að draga úr flugumferð. Það eitt dugar þó ekki til að koma félaginu í gegnum erfiðleikana að mati stjórnenda fyrirtæksins. Af þeim sökum lækkaði sjö manna framkvæmdastjórn SAS laun sín í dag um tuttugu prósent.

Í kjölfarið var sendur út tölvupóstur til allra starfsmanna SAS þar sem óskað er eftir því að þeir taki á sig sömu tekjuskerðingu en þó gegn því lækka starfshlutfall sitt um sama hlutfall. Gert er ráð fyrir að um sé að ræða tímabundna aðgerð til næstu þriggja mánaða. Þess ber að geta að stjórnendurnir sjálfir ætla ekki að draga úr vinnu heldur vinna áfram fullt starf en þó fyrir lægri laun.

Forsvarsfólk SAS hefur boðið fulltrúum stéttarfélaga starfsmanna til fundar við sig til að ræða þetta tilboð samkvæmt því sem segir í frétt Dagens Industri í Svíþjóð. Þar kemur fram að flugfélögin Emirates og Lufthansa hafi bæði boðið starfsmönnum sínum tímabundið launalaust leyfi vegna stöðunnar sem nú er uppi.

NÚ GETUR ÞÚ STUTT ÚTGÁFU TÚRISTA

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …