Finnair dregur ekki úr ferðum til Íslands

Stór hluti af starfsemi Finnair snýr að flugi til Asíu og undir venjulegum kringumstæðum fljúga þotur félagsins til nærri tuttugu flugvalla í þeirri heimsálfu. Allt frá því að kórónaveiran hóf að breiðast út í Kína hefur ferðunum til Austurlanda fjær þó fækkað og þar með þeim farþegum sem ætluðu að fljúga með Finnair frá Asíu til evrópskra áfangastaða. Af þeim sökum hefur Finnair dregið tölurvert úr flugi innan Evrópu og í gær var tilkynnt um niðurfellingu á fjórtán hundruð brottförum í mars og apríl.

Þar á meðal er þó ekki flug til Íslands en þotur Finnair fljúga allt að daglega hingað frá Vantaa flugvelli við Helsinki. Um borð hefur hlutfall farþega frá Asíu verið hátt enda hefur Íslandsflug Finnair notið vinsælda hjá asískum ferðamönnum líkt fram kom í svörum talsmanns félagsins í viðtali við Túrista sl. sumar.

Það er finnska ríkið sem fer með meirihluta í Finnair en stuttu fyrir hrun var FL-Group, þáverandi móðurfélag Icelandair, næststærsti eigandinn með 22 prósent hlut. Þá settist þá Sigurður Helgason, fyrrum forstjóri Icelandair, í stjórn finnska flugfélagsins fyrir íslensku eigendurna. Þeir losuðu svo sinn hlut með töluverðu tapi vorið 2008.

Mótmælin draga úr bókunum en þó ekki hjá Icelandair

Tugþúsundir Ísraela hafa mótmælt á götum úti síðustu vikur vegna áforma ríkisstjórnar Benjamíns Netanjahús um breytingar á dómskerfi landsins. Þar er meðal annars lagt til að ísraelska þingið fái heimild til að snúa dómum hæstaréttar með einföldum þingmeirihluta. Forseti hæstaréttar Ísrael segir áformin árás á lýðræði í landinu. Skráðu þig inn til að lesa Þessi … Lesa meira

„Þurfum að meta upp á nýtt hvað sé vel heppnuð ferðaþjónusta“

Efnahags- og framfarastofnunin, OECD, hvetur til betri stýringar í ferðaþjónustu á komandi árum - á sama tíma og greinin þarf að leita nýrra leiða til að halda fyrri styrk og efnahagslegu mikilvægi. „Það verður að finna út úr því hvers konar ferðaþjónustu við viljum í löndum okkar," segir yfirmaður ferðamála hjá OECD.

Enn lokast þýskir flugvellir vegna verkfalla

Flugsamgöngur á meginlandinu raskast áfram vegna verkfallsaðgerða. Bæði í Frakklandi og Þýskalandi hefur ítrekað stöðvast flug eða tafist vegna verkfallsaðgerða á síðustu vikum og mánuðum. Nú beinast aðgerðir að flugvöllunum í München og í Frankfurt, þeim fjölfarnasta í Þýskalandi.

Áfram gríðarlegt tap hjá SAS

Stjórnendur skandinavíska flugfélagsins SAS hafa síðustu mánuði nýtt gjaldþrotavernd bandaríska dómstóla til að endurskipuleggja félagið. Þetta svokallaða Chapter-11 ferli krefst þess að SAS geri upp hvern einasta mánuð og niðurstaðan fyrir febrúar liggur nú fyrir. Og tapið nam 900 milljónum sænskra króna eða um 12 milljörðum íslenskra króna. Þetta er fjórðungi minna tap en í … Lesa meira

Fjórir frambjóðendur um þrjú sæti

Aðalfundur Samtaka ferðaþjónustunnar fer fram í Stykkishólmi á fimmtudaginn í næstu viku og þar verður kosið um þrjú sæti í aðalstjórn samtakanna. Fjögur framboð bárust og þar á meðal er frá Skarphéðni Berg Steinarssyni sem lét af embætti ferðamálastjóra um síðustu áramót. Skarphéðinn rekur ásamt konu sinni Sjávarborg, gistihús og kaffihús í Stykkishólmi. Rannveig Grétarsdóttir, … Lesa meira

„Slípum demantinn“

„Við verðum að taka umræðuna um aðgangsstýringu að vinsælustu ferðamannastöðum okkar - og ganga svo til verka," sagði Grímur Sæmundsen, forstjóri Bláa lónsins, á ráðstefnu í Hörpu um þjóðhagslegt mikilvægi ferðaþjónustunnar. Áhrifafólk í ferðaþjónustunni virðist almennt vilja forðast ástandið sem skapaðist fyrir heimsfaraldur.