Samfélagsmiðlar

Heathrow á ný helsta miðstöðin fyrir Íslandsflug frá Bretlandi

Umferðin milli Íslands og Gatwick hefur dregist svo mikið saman að flugvöllurinn fer úr toppsætinu og niður í það þriðja á listanum yfir þær bresku flughafnir sem flestir nýta til að fljúga til Keflavíkurflugvallar.

Farþegar á Heathrow en þaðan fljúga fleiri til Íslands en frá öðrum breskum flugvöllum.

Þotur Icelandair hafa um langt árabil flogið tvær ferðir á dag til Heathrow flugvallar og það var nóg til að þessi fjölfarnasta flughöfn Evrópu var ávallt helsta samgöngumiðstöðin fyrir Íslandsflug. Árið 2014 fór Gatwick flugvöllur, fyrir sunnan bresku höfuðborgina, aftur á móti fram úr Heathrow þegar horft var til fjölda farþega í flugi til Keflavíkurflugvallar.

Á þeirri breytingu eru aðallega þrjár skýringar. Í fyrsta lagi þá nýtti WOW flugvöllinn fyrir sínar tíðu ferðir til London. Í öðru lagi þá lét easyJet ekki lengur nægja að fljúga fullum þotum hingað frá Luton heldur bætti líka við ferðum til Íslands frá Gatwick. Einnig hafði það mikil áhrif að Icelandair bætti í Lundúnarflugið með því að fljúga nærri daglega til Gatwick.

Árið 2018 flugu þannig 467 þúsund farþegar milli Keflavíkurflugvallar og Gatwick en rétt um 378 þúsund frá Heathrow. Með brotthvarfi WOW air í lok mars í fyrra og samdrætti í Íslandsflugi easyJet þá dróst aftur á móti farþegahópurinn á Gatwick saman og for niður í 242 þúsund farþega samkvæmt tölum breskra flugmálayfirvalda.

Farþegunum frá Heathrow fækkaði miklu minna eða um nærri sjö af hundraði. Það skrifast meðal annars á fækkun ferða British Airways en félagið flaug allt að tvisvar á dag hingað frá Heathrow þarsíðasta vetur.

Á sama tíma og farþegum á leið í flug til Íslands fækkaði á þessum tveimur stærstu flugvöllum Bretlands þá fjölgaði þeim í Luton, skammt frá London. Sú viðbót skrifast að mestu á Wizz Air sem hóf að fljúga þaðan til Íslands fyrir páskana 2018 og bætti við ferðum í kjölfar gjaldþrots WOW air.

Eins og sjá má á töflunni hér fyrir neðan þá hafði brotthvarf WOW air líka mjög neikvæð áhrif á farþegaflutninga milli Íslands og Edinborgar. Þaðan koma nú miklu færri en áður og sömu sögu er að segja um Stansted flugvöll.

Í heildina fækkaði farþegum í flugi milli Íslands og Bretlands um 21 prósent í fyrra eða um 340 þúsund en hafa ber í huga að hver farþegi er talinn á leiðinni frá Bretlandi til Íslands og líka þegar hann lendir á breskum flugvelli.

Þess má geta að tölurnar sem hér er stuðst við koma frá breskum flugmálayfirvöldum. Hér á landi ríkir leynd um sambærileg gögn og hefur úrskurðarnefnd um upplýsingamál gefið grænt ljós á að svo verði áfram.


Viltu styðja Túrista?

Nú þegar virkilega á reynir þá stendur Túristi vaktina frá morgni til kvölds. Ef þú ert einn þeirra lesenda sem finnst gagn í skrifum Túrista þá væri ómetanlegt ef þú myndir leggja útgáfunni lið. Smelltu hér fyrir nánari upplýsingar.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …