Samfélagsmiðlar

Rétt um 140 starfsmenn áfram í fullri vinnu hjá Icelandair Group

Það eru miklar uppsagnir framundan hjá Icelandair og stærsti hluti starfsmanna fer í tímabundna vinnu. Framkvæmdastjórar verða allir áfram í fullu starfi en á lægri launum.

Um 240 starfsmönnum Icelandair verður sagt upp störfum en það jafngildir um fimm prósent af heildar starfsmannafjölda hjá Icelandair samsteypunni. Til viðbótar skerðist starfshlutfall 92 prósent starfsfólks en þó mismunandi mikið samkvæmt upplýsingum frá fyrirtækinu. Þessar breytingar eru í samræmi við þau úrræði sem ríkisstjórnin kynnti á laugardag.

Miðað við ofan nefndan niðurskurð þá verða rétt um 140 starfsmenn eftir í fullu starfi hjá Icelandair í kjölfar þessara breytinga og munu þeir lækka um tuttugu prósent í launum. Framkvæmdastjórar lækka um fjórðung og laun forstjóra og stjórnar lækka um þrjátíu prósent. Öll yfirstjórn félagsins mun áfram vera í fullu starfi.

„Þetta eru sögulegir tímar þar sem heimsfaraldur geisar sem hefur haft gríðarleg áhrif á flug og ferðalög. Mikilvægasta verkefnið núna er að tryggja rekstrargrundvöll Icelandair Group til framtíðar. Þær aðgerðir sem við kynntum fyrir starfsfólki okkar í dag eru sársaukafullar en nauðsynlegar til að takmarka áhrif þeirra aðstæðna sem uppi eru á rekstur og sjóðstreymi félagins,“ er haft eftir Boga Nils Bogasyni, forstjóra Icelandair Group, í tilkynningu.

Þar segir jafnframt að vegna útbreiðslu COVID-19 veirunnar hafi forsendur fyrir millilandaflugi og ferðalögum breyst verulega á skömmum tíma. Til marks um það þá heldur félagið úti mun færri ferðum en ætlunin var samkvæmt tilkynningu í síðustu viku. Þá var gert ráð fyrir þrjátíu prósent færri ferðum sem var nokkru minni niðurskurður en forsvarsfólk flestra annarra flugfélaga boðaði. Í dag flýgur Icelandair hins vegar rétt um fjórtán prósent af upphaflegri flugáætlun.

Nýtt efni

Frakkar fjölmenna til Íslands allt árið um kring og í fyrra flugu frá Keflavíkurflugvelli 99 þúsund farþegar með franskt vegabréf. Það jafngildir því að fimm af hverjum 100 ferðamönnum hér á landi séu franskir enda eru flugsamgöngur milli Íslands og Parísar tíðar og stefnir í að þeir verði óvenju miklar næsta vetur. Það eru því …

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …