Samfélagsmiðlar

Samdrátturinn jafnast á við umsvif WOW

Áætlunarferðum frá Keflavíkurflugvelli í febrúar fækkaði um fjórðung. Það er sama vægi og WOW air hafði á flugvellinum á sama tíma í fyrra.

Skúli Mogensen og aðrir stjórnendur WOW air höfðu verið með niðurskurðarhnífinn á lofti þegar komið var fram í febrúar í fyrra. Leiðakerfi flugfélagsins hafði því dregist saman og ferðunum fækkað. Engu að síður stóð WOW air fyrir rétt um fjögur hundruð brottförum frá Keflavíkurflugvelli í febrúar í fyrra.

Í nýliðnum febrúar fækkaði svo áætlunarferðunum frá Keflavíkurflugvelli um nærri nákvæmlega sömu tölu samkvæmt talningum Túrista. Hlutfallslega nam samdrátturinn um fjórðungi sem jafngildir vægi WOW air í umferðinni um flugvöllinn í febrúar í fyrra eins og sjá má myndinni hér fyrir neðan.

Það verður þó að setja tvo fyrirvara við þennan samanburð milli febrúar í fyrra og í ár. Í fyrsta lagi þann að nú er hlaupaár og því voru 29 dagar í nýliðnum mánuði sem vegur upp á móti samdrættinum. Aftur á móti var fleiri ferðum aflýst að þessu sinni vegna veðurs.

Af þeim sökum er kannski best að horfa til þess hve margar brottfarir voru á dagskrá Keflavíkurflugvelli á degi hverjum. Í febrúar í fyrra voru þær 56 en 42 að þessu sinni. Munurinn því nákvæmlega 25 prósent eða fjórðungur.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …