Samfélagsmiðlar

Tillögur vinnuhóps um viðbyggingu flugstöðvarinnar væntanlegar

Framkvæmdir við flugvellina á Akureyri og Egilsstöðum eiga að hefjast fljótlega í takt við sérstakt flýtiátak ríkisstjórnarinnar. Samgönguráðherra segir flugvelli einn af lykilþáttum þess átaks.

Frá Akureyrarflugvelli.

Stækkun á flughlaði og flugstöð á Akureyri auk akbrautar á Egilsstaðaflugvelli eru meðal verkefna sem ríkisstjórnin leggur áherslu á að hefjist strax. Þessi verk eru öll hluti af sérstöku fimmtán milljarða króna flýtifjárfestingarátaki sem kynnt var í Hörpu um síðustu helgi. Í frétt á vef Samgönguráðuneytisins segir að af þeim tuttugu milljörðum króna sem settir verði í átakið þá nemi fjárfestingar í samgönguframkvæmdum sex milljörðum.

Þar af er áformað að verja milli 500 til 600 milljónum til undirbúnings verkefna á flugvöllunum á Akureyri og Egilsstöðum á þessu ári. Vinnuhópur um flugstöðina á Akureyri mun skila tillögum um útfærslu og forhönnun viðbyggingarinnar í næstu viku. Í framhaldinu er ætlunin að  hönnun flugstöðvarinnar fari strax í gang sem og annar undirbúningur samkvæmt upplýsingum frá ráðuneytinu.

„Ríkisstjórnin hefur lagt mikla áherslu á að efla og fjárfesta í innviðum samfélagsins. Mikilvægt er að bregðast hratt við en gera jafnframt langtímaáætlanir eins og kostur er í þessari erfiðu stöðu sem samfélagið glímir við. Halda áfram að byggja upp vegi, flugvelli og hafnir svo samfélagið verði í stakk búið þegar Covid-19 faraldurinn verður um garð genginn. Þrátt fyrir hrun í ferðaþjónustunni er brýn þörf fyrir uppbyggingu innviða og eru flugvellir einn af lykilþáttum fjárfestingarátaksins. Verkefnin eru arðbær. Þeim er hægt að flýta og þau skapa fjölbreytt störf með skömmum fyrirvara. Notum því tímann vel og höldum áfram,“ segir Sigurður Ingi Jóhannsson, samgöngu- og sveitarstjórnarráðherra, í frétt á vef ráðuneytisins.

Þar segir jafnframt að í nýrri flugstefnu, sem kynnt er í samgönguáætlun, sé horft til lengri tíma og áhersla lögð á að alþjóðaflugvellir landsins mæti sem best þörfum flugrekanda fyrir varaflugvelli og hliðum inn til landsins verði fjölgað til að efla ferðaþjónustu. „Hjá ríkisstjórninni er annað átak í undirbúningi sem tekur við á árunum 2021 til 2023 og mun flýting þessara framkvæmda sem og annarra samgönguframkvæmda birtast þar,“ segir ráðherra.

Tilgangurinn með viðbyggingu við flugstöðina á Akureyri er að styðja við ferðaþjónustuna á Norðurlandi og stækkun á flughlaði fyrir norðan muni auka öryggi flugvallarins samkvæmt því sem segir í frétt ráðuneytisins. „Á Egilsstöðum eykst rekstraröryggi Egilsstaðarflugvallar og flugöryggi á Íslandi almennt. Að framkvæmdum loknum verður hægt að taka á móti taka á móti um tuttugu stærri flugvélum lokist Keflavíkurflugvöllur. Auk þess skapar framkvæmdin atvinnu á svæðinu á meðan hún stendur yfir.“


Viltu styðja Túrista?

Nú þegar virkilega á reynir þá stendur Túristi vaktina frá morgni til kvölds. Ef þú ert einn þeirra lesenda sem finnst gagn í skrifum Túrista þá væri ómetanlegt ef þú myndir leggja útgáfunni lið. Smelltu hér fyrir nánari upplýsingar.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …