Samfélagsmiðlar

Vonast til að norsk stjórnvöld finni lausn á lausafjárkrísu Norwegian

Forstjóri Norwegian líkir ástandinu sem nú ríkir í heiminum við stríð en þó án skotvopna og sprenginga. Hann dregur ekki dul á að flugfélagið þurfi á fjárhags aðstoð að halda.

Norskir ráðamenn kynntu í hádeginu í dag tillögur sínar um að fella niður farþega- og flugvallagjöld tímabundið til aðstoðar við flugrekstur í landinu. Jacob Schram, forstjóri Norwegian, telur að þessar aðgerðir gangi of stutt en hann vildi þó ekki segja þær vonbrigði.

Þetta kom fram á stuttum blaðamannafundi sem hann rétt í þessu. Þar benti hann á mikilvægi Norwegian fyrir norsk samfélag og sagðist binda vonir við að norska ríkisstjórnin myndi finna leiðir til að aðstoða Norwegian í gegnum þá lausafjárkrísu sem félagið er í núna. Lagði Schram áherslu á að lausn yrði að finnast á næstu vikum og hann væri vongóður um að hún myndi finnast. Í gær sagði Norwegian upp helmingi starfsmanna sinna og skar niður umtalsverðan hluta af flugáætlun sinni.

Forstjórinn vildi ekki svara spurningum um hversu slæm þessi lausafjárkrísa væri eða hversu lengi félagið gæti verið án tekna. Hann undirstrikaði þó að væntanlegar bætur frá Boeing, vegna MAX þotanna, myndu ekki einar og sér duga félaginu til að fleyta því í gegnum núverandi stöðu.

Jacob Schram tók við sem forstjóri Norwegian í nóvember í fyrra og leysti þá af hólmi Bjørn Kjos, einn af stofnendum félagsins. Schram hefur ekki á sjö dagana sæla í starfi enda hefur félagið barist í bökkum og hlutabréfaverðið verið í frjálsu falli síðustu vikur. Af þeim sökum hafa verið vangaveltur í skandinavískum fjölmiðlum hvort ekki væri réttast að sameina Norwegian og SAS. Á blaðamannafundinum var forstjórinn spurður hvort hann teldi það raunhæft en hann svaraði því til að þessi valkostur hefði ekki verið ræddur.

Norwegian hefur nú í vetur flogið frá Keflavíkurflugvelli til nokkurra spænskra áfangastaða og til Óslóar. Núverandi sumaráætlun gerir ráð fyrir reglulegum ferðum héðan til Alicante, Barcelona og norsku höfuðborgarinnar.

 

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …