Samfélagsmiðlar

Gera lengra hlé á fluginu til og frá Grænhöfðaeyjum

Nú er útlit fyrir að áætlunarflug Capo Verde Airlines á Grænhöfðaeyjum hefjist ekki að nýju fyrr en 1. júlí.

Vegna útbreiðslu kórónaveirunnar voru allar ferðir Cabo Verde Airlines á Grænhöfðaeyjum felldar niður þann 18. mars sl. Þá var ætlunin að taka upp þráðinn á ný eftir mánuð en nú hefur verið ákveðið að framlengja þetta hlé fram til 1. júlí 2020.

Erlendur Svavarsson, forstjóri flugfélagsins, segir að áfram verði fylgst með stöðunni á mörkuðum félagsins. Frekari ákvarðanir varðandi flug verði teknar með tilliti til útbreiðslu Covid-19 og þeirra efnahagslegu áhrifa sem faraldurinn hefur valdið á eftirspurn. „Þegar slíkar ákvarðanir eru teknar verður fyrst og fremst tekið tillit til öryggis farþega og starfsfólks,“ segir Erlendur en hann hefur verið forstjóri félagsins frá því ársbyrjun.

Íslenskir fjárfestar undir forystu Loftleiða, dótturfélags Icelandair Group, tóku við stjórnartaumunum í Capo Verde Airlines í fyrra en unnið hefur verið að langtímafjármögnun félagsins. Erlendur segir að sú vinna standi ennþá yfir en gangi vitanlega hægar fyrir sig í núverandi ástandi.

„Hins vegar er það svo að öll él styttir upp um síðir og framsýnir fjárfestar eru tilbúnir til að halda áfram að skoða góð tækifæri. Við gerum þess vegna enn ráð fyrir að loka langtímafjármögnun fyrirtækisins, þó að þeirri fjármögnun kunni að seinka í takt við áhrif ferðabanna og efnahagssamdráttar á heimsvísu,“ bætir Erlendur við.

 

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …