Samfélagsmiðlar

Leggja til að ferðaskrifstofur borgi til baka á 20 árum

Samtök sænskra ferðaskrifstofa óska eftir opinberu láni til að standa straum af endurgreiðslum til viðskiptavina. Ef ekkert verður að gert þá gæti ferðaskrifstofurrekstur í landinu flust yfir til Danmerkur.

Ferðamenn í London.

Ferðaskrifstofur í Svíþjóð skulda farþegum sínum um sex milljarða sænskra króna (87 milljarðar kr.) vegna ferða sem felldar hafa verið niður vegna heimsfaraldursins sem nú geysar. Þetta segja útreikningar félags sænskra ferðaskipuleggjenda sem leggja til að horft verði til þeirra aðgerða sem gripið hefur verið til í Danmörku til að ráða bót á sambærilegri skuldastöðu. Þar rekur hið opinbera sameiginlegan ábyrgðasjóð fyrir ferðaskrifstofur og sá fékk nýverið ríflega þrjátíu milljarða króna innspýtingu frá danska ríkinu.

Nú vilja Svíar að settur verði á stofn álíka sjóður í Svíþjóð þar sem ríkið leggur til stofnframlag sem dugar fyrir núverandi skuldum ferðaskrifstofanna við viðskiptavini sína. Upphæðin verður svo greidd til baka næstu tuttugu ár með því að leggja um 5 sænskar krónur á sölu flugmiða (um 70 kr.) og 25 sænskar á pakkaferðir (um 350 kr). Samkvæmt frétt Dagens Industri þá ætla Moderaterna, stærsti hægri flokkur Svíþjóðar, að mæla fyrir þessari leið á sænska þinginu ef ríkisstjórn landsins kemur ekki með betri tillögu að borðinu.

Sænskir ferðafrömuðir óttast að ef ekkert verði að gert þá muni ferðaskrifstofurekstur í Svíþjóð flytjast yfir til Danmerkur. Í því samhengi má benda á að þær fimm ferðaskrifstofur sem Arion banki á og rekur, á hinum Norðurlöndunum, heyra allar undir danskt eignarhaldsfélag, Travelco Nordic. Sala á því félagi var langt komin þegar kórónaveirukrísan skall á. Auk þess á Arion banki Heimsferðir en sú ferðaskrifstofa hefur lengi verið ein þeirra stærstu á íslenska markaðnum.


Viltu styðja Túrista?

Nú þegar virkilega á reynir þá stendur Túristi vaktina frá morgni til kvölds. Ef þú ert einn þeirra lesenda sem finnst gagn í skrifum Túrista þá væri ómetanlegt ef þú myndir leggja útgáfunni lið. Smelltu hér fyrir nánari upplýsingar.

Nýtt efni
Veitingaþjónusta

Íslenskt atvinnulíf er mjög háð aðfluttu vinnuafli. Það á ekki síst við um ferðaþjónustuna. Umsvif hennar væru mun minni ef ekki kæmu hingað útlendingar þúsundum saman til starfa á ári hverju. Samkvæmt Hagstofunni voru 35.233 starfandi í einkennandi greinum ferðaþjónustu á Íslandi í júní 2023. Þar af voru um 15.500 útlendingar.  Heildartalan yfir þá sem …

Áætlunarflug milli Akureyrar og London hófst í lok október og síðan þá hafa þotur Easyjet flogið þessa leið tvisvar í viku en engin talning fer fram á fjölda ferðamanna á Akureyrarflugvelli öfugt við það sem tíðkast á Keflavíkurflugvelli. Til að meta fjölda breskra ferðamanna í beina fluginu þarf því að styðjast við gistináttatölur Hagstofunnar en …

Frakkar fjölmenna til Íslands allt árið um kring og í fyrra flugu frá Keflavíkurflugvelli 99 þúsund farþegar með franskt vegabréf. Það jafngildir því að fimm af hverjum 100 ferðamönnum hér á landi séu franskir enda eru flugsamgöngur milli Íslands og Parísar tíðar og stefnir í að þeir verði óvenju miklar næsta vetur. Það eru því …

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …