Samfélagsmiðlar

Opna Ferðalandið

Ný sölusíða fyrir íslensk ferðaþjónustufyrirtæki sem vilja ná til íbúa hér á landi hefur verið opnuð. Þar greiða seljendur enga þóknun og vonast aðstandendur verkefnisins til þess þar með megi bjóða þeim lægra verð sem ætla að ferðast innanlands.

Einar Þór Gústafsson, forstjóri Getlocal sem einnig stendur að baki Ferðalandinu.

„Tilgangurinn er að hvetja Íslendinga og aðra sem eru búsettir á Íslandi að ferðast innanlands í sumar og nýta sér þá fjölbreyttu og áhugaverðu ferðaþjónustu sem er í boði um land allt á góðum kjörum. Við teljum að flestir Íslendingar átti sig hreinlega ekki á því hvað sé í boði og viljum við því safna saman upplifunum á miðlægan stað og gera fólki kleift að ganga frá bókun og greiðslu beint til birgja. Vonandi tekst okkur með þessu að láta hjólin halda áfram að snúast,“ segir Einar Gústafsson, forstjóri og einn stofnenda Getlocal, sem stendur að Ferðalandinu Ísland, nýjum ferðaþjónustuvef.

Aðspurður um hvað fyrirtæki þurfi að gera til að vera með í þá segir Einar mikilvægt allar upplýsingar séu á íslensku. „Ætlunin er að hafa uppsetningu eins einfalda og hægt er. Flest fyrirtæki í ferðum og afþreyingu eru nú þegar að nota Bókun og ættu því að vera með allt sem til þarf. Við erum hisnvegar enn að skoða lausnir fyrir gististaði. Við höfum það að leiðarljósi að upplýsingar um þjónustuna sé á íslensku og í sumum tilfellum aðlagaðar að íslenskum markaði,“ svarar Einar.

Hann hvetur einnig fyrirtæki til að bjóða eins lágt verð og mögulegt er, sérstaklega í ljósi þess að þau þurfa ekki að greiða söluþóknun né annan kostnað fyrir að vera með í Ferðalandinu. „Með því mætti jafnvel lækka verðið um 20 prósent eða meira enda er skemmtilegra að geta boðið sem flestum að nýta sér þessa þjónustu. Margir hafa minna á milli handanna núna en eru að huga að ferðalagi um Ísland og því getur verðið skipt máli.“

Greiðslur fyrir það sem bókað er á Ferðalandinu fara beint í gegnum greiðslugátt fyrirtækjanna sjálfra og milliliðum sem jafnvel halda eftir greiðslum er því sleppt. Einnig standa vonir til að fólk geti greitt með ferðaávísuninni sem stjórnvöld ætla að senda öllum landsmönnum 18 ára og eldri. Einar ítrekar þó á að útfærslan á ferðaávísuninni sé ennþá í vinnslu og endanleg leið liggi ekki fyrir.

Ferðalandið byggir á tæknilausn Getlocal sem gerir fyrirtækinu kleift að standa að þessu verkefni án þess að fara fram á nokkra þóknun. Ástæðan er sú að vefsölukerfi Getlocal fyrir ferðaþjónustufyrirtæki nýtir beintengingu við Bókun og önnur sambærileg kerfi.

„Uppsetning á nýjum vef tekur mjög skamma stund fyrir okkur og það er nánast enginn beinn kostnaður af þessum vef þar sem birgjar stjórna vörum og vörulýsingum sjálfir. Því rekur þetta sig að miklu leyti sjálft. Von okkar er sú að geta hjálpað ferðaþjónustufyrirtækjum að komast í gegnum þennan öldudal með því að ná til íslenskra ferðamanna. Vonandi getum við einnig hjálpað fyrirtækjunum að undirbúa sig fyrir það að markaðir opnist aftur með því að setja upp öflug vefsvæði með litlum tilkostnaði byggðum á okkar tækni og þekkingu,“ segir Einar að lokum.

Hér geta ferðaþjónustufyrirtæki skráð þátttöku í Ferðalandinu.


Viltu styðja Túrista?

Nú þegar virkilega á reynir þá stendur Túristi vaktina frá morgni til kvölds. Ef þú ert einn þeirra lesenda sem finnst gagn í skrifum Túrista þá væri ómetanlegt ef þú myndir leggja útgáfunni lið. Smelltu hér fyrir nánari upplýsingar.

Nýtt efni
Veitingaþjónusta

Íslenskt atvinnulíf er mjög háð aðfluttu vinnuafli. Það á ekki síst við um ferðaþjónustuna. Umsvif hennar væru mun minni ef ekki kæmu hingað útlendingar þúsundum saman til starfa á ári hverju. Samkvæmt Hagstofunni voru 35.233 starfandi í einkennandi greinum ferðaþjónustu á Íslandi í júní 2023. Þar af voru um 15.500 útlendingar.  Heildartalan yfir þá sem …

Áætlunarflug milli Akureyrar og London hófst í lok október og síðan þá hafa þotur Easyjet flogið þessa leið tvisvar í viku en engin talning fer fram á fjölda ferðamanna á Akureyrarflugvelli öfugt við það sem tíðkast á Keflavíkurflugvelli. Til að meta fjölda breskra ferðamanna í beina fluginu þarf því að styðjast við gistináttatölur Hagstofunnar en …

Frakkar fjölmenna til Íslands allt árið um kring og í fyrra flugu frá Keflavíkurflugvelli 99 þúsund farþegar með franskt vegabréf. Það jafngildir því að fimm af hverjum 100 ferðamönnum hér á landi séu franskir enda eru flugsamgöngur milli Íslands og Parísar tíðar og stefnir í að þeir verði óvenju miklar næsta vetur. Það eru því …

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …