Samfélagsmiðlar

Virði Norwegian helmingaðist í morgunsárið

Jacob Schram forstjóri Norwegian og undirmenn hans vinna nú hörðum höndum að því að sannfæra kröfuhafa um að breyta gríðarlegum skuldum félagsins í hlutafé. Ef það tekst þá mun hlutur annarra hluthafa rýrna gríðarlega.

norwegian vetur

Tíu mínútum eftir að opnað var fyrir viðskipti í kauphöllinni í Ósló í morgun þá hafði gengi bréfa í Norwegian fallið um nærri sextíu prósent. Gengi er rétt um þrjár norskar krónur á hlut núna en var 8,27 við opnun. Virði Norwegian er þar með rétt um 7 milljarðar á þessari stundu en til samanburðar er markaðsvirði Icelandair rúmir 18 milljarðar króna. Gengi beggja félaga hefur látið verulega á vegna útbreiðslu kórónaveirunnar.

Hrun Norwegian í norsku kauphöllinni í morgun kom ekki á óvart. Fármálagreinendur í Noregi höfðu nefnilega spáð því nú yfir páska að hluthafar myndu selja í stríðum straumum um leið og færi gæfist til. Ástæðan er sú að eftir lokun markaða fyrir páskafrí þá lögðu stjórnendur Norwegian fram áætlun sína um hvernig mætti bjarga flugfélaginu frá gjaldþroti. Veigamesta skrefið er að fá lánveitendur til að breyta kröfum sínum í hlutafé. Og þar sem skuldahali Norwegian er mjög langur þá myndi þetta þýða að núverandi hlutafé myndi nánast þurrkast upp að mati álitsgjafa norsku viðskiptapressunnar.

Meðal þeirra hluthafa sem hafa selt stóra hlut síðustu vikur er Bjørn Kjos, stofnandi og fyrrum forstjóri Norwegian. Eignarhaldsfyrirtæki hans og Bjørn Kise, fyrrum stjórnarformanns, er til að mynda ekki lengur meðal fimmtíu stærstu hluthafa líkt og Dagens Nærlingsliv greindi frá nú í morgun. Hlutur þeirra er þar með kominn undir 0,15 prósent en þeir félagar áttu 17 prósent í Norwegian fyrir ári síðan.

Norwegian hefur verið mjög umsvifamikið á Keflavíkurflugvelli og varð eftir fall WOW air það flugfélag sem flytur flesta héðan til Spánar. Félagið hefur einnig veitt Icelandair harða samkeppni í flugi milli Norður-Ameríku og Evrópu líkt og lesa má um í nýrri fréttaskýringu Túrista.


Viltu styðja Túrista?

Nú þegar virkilega á reynir þá stendur Túristi vaktina frá morgni til kvölds. Ef þú ert einn þeirra lesenda sem finnst gagn í skrifum Túrista þá væri ómetanlegt ef þú myndir leggja útgáfunni lið. Smelltu hér fyrir nánari upplýsingar.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …