Samfélagsmiðlar

Ætla ekki að hætta flugi yfir Norður-Atlantshafið

Icelandair losnar ekki við samkeppnina frá Norwegian þegar kemur að farþegum á leið milli Evrópu og Norður-Ameríku.

norwegian 3

Forstjóri og fjármálastjóri Norwegian mættu sigurreifir til fundar við blaðamenn í höfuðstöðvum flugfélagsins vestur af Ósló nú í morgun. Samningaviðræður við kröfuhafa, flugvélaeigendur og hluthafa skiluðu nefnilega tilætluðum árangri. Tveir fyrrnefndu hóparnir féllust á að breyta skuldum upp á 11 milljarða norskra króna (155 milljarða kr.) í hlutafé og þar með halda núverandi hluthafar aðeins eftir 5,2 prósentum í félaginu. Þeir fá aftur á móti að kaupa alla vega tíund af því nýja hlutafé sem boðið verður í komandi útboði en stefnt er að því að birta sölugengið síðar í dag.

Norwegian er því ekki eins skuldsett í dag og það var í gær en félagið hefur átt við verulegan vanda að etja í langan tíma enda hafa menn telft djart. Félagið var til að mynda fyrsta evrópska lággjaldaflugfélagið sem hóf áætlunarflug til Norður-Ameríku og setti þar með mikla pressu á Icelandair eins og áður hefur verið rakið.

Og þó þessi útgerð hafi reynst félaginu erfið þá er ekki ætlunin að hætta henni. Það kom skýrt fram í máli Jacob Schram, forstjóra félagsins, á blaðamannafundinum í dag. Schram sagði fluginu yfir Norður-Atlantshafið yrði haldið áfram og það væri ennþá stefna félagsins að vera í fararbroddi á þeim markaði.

Engu að síður myndi framboðið óhjákvæmilega dragast saman um fjörutíu prósent þar sem fluginu yrði aðeins haldið áfram frá þeim flugvöllum þar sem leiðakerfið væri arðbærast. Forstjórinn fór þó ekki nánar út í hvaða flugvellir eða lönd það væru en áður hafði hann fullyrt að Norwegian myndi fyrst og fremst gera út á norræna markaðinn hér eftir og taldi upp öll Norðurlöndin nema Ísland.

Norwegian hefur verið það flugfélag sem flutt hefur flesta farþega milli Spánar og Íslands en stjórnendur Norwegian vilja ekkert segja til um hvort og þá hvenær félagið tekur upp þráðinn á Spáni og í Bretlandi. Í báðu þessum löndum er flugfélagið með flugrekstur og það sama á við París og Róm.


Viltu styðja Túrista?

Nú þegar virkilega á reynir þá stendur Túristi vaktina frá morgni til kvölds. Ef þú ert einn þeirra lesenda sem finnst gagn í skrifum Túrista þá væri ómetanlegt ef þú myndir leggja útgáfunni lið. Smelltu hér fyrir nánari upplýsingar.

Nýtt efni

Á árinu 2023 minnkaði sala í Danmörku á prentuðum bókum um 70,2 milljónir danskra króna (tæpa 1,5 milljarða íslenskra kr.) en á sama tíma jókst velta með stafrænar bækur, hljóð og e-bækur, um 35,3 milljónir danskra kr. (rúmar 700 milljónir kr). Einmitt þessi breyting kemur illa niður á rithöfundum landsins því tekjur þeirra og forlaganna …

Af þeim sex norrænu flugfélögum sem skráð eru á hlutabréfamarkað þá gengur best hjá hinu norska Norwegian. Félagið stokkaði upp leiðakerfið í heimsfaraldrinum, endursamdi við birgja og starfsfólk og í fyrra skilaði Norwegian methagnaði. Sú niðurstaða skrifaðist meðal annars á þá ákvörðun stjórnenda að draga töluvert úr umsvifunum yfir vetrarmánuðina. Það hefur leitt til að …

Í ágúst 2026 er áætlað að Victorian Fruit and Vegetable Market í höfuðborg Írlands opni dyr sínar á nýjan leik. Markaðurinn hefur verið lokaður í fimm ár og byggingin legið undir skemmdum en með hjálp 25 milljón evra þróunarstyrks er markmiðið að nýr markaður skáki ekki aðeins hinum víðfræga Enska markaði í Cork heldur mörkuðum …

Play tapaði 3,1 milljarði króna fyrir skatt á fyrsta ársfjórðungi í fyrra en núna var tapið 19 prósent hærra eða 3,7 milljarðar króna. Félagið jók framboðið um 63 prósent á milli þessara tveggja fjórðunga en í flota félagsins voru sex til átta þotur í byrjun síðasta árs en núna eru þær tíu. Einar Örn Ólafsson, …

Sjóðir bandaríska flugvélaframleiðandans Boeing minnkuðu um 3,9 milljarða dollara á fyrsta ársfjórðungi. Upphæðin jafngildir 550 billjónum íslenskra króna og skýringin á þessum mikla fjármagnsbruna liggur í endurteknum göllum í þeim flugvélum sem fyrirtækið framleiðir. Af þeim sökum hefur bandaríska flugöryggisstofnunin takmarkað afköstin í verksmiðjum Boeing við 38 Max þotur í mánuði. Þar með þurfa flugfélög …

Fyrr á þessu ári kynnti fyrirtækið til sögunnar Precious Honeyglow anansinn sem er aðeins um 600 1000 grömm að þyngd eða um það bil helmingi minni en hefðbundinn ananas.Í fréttatilkynningu frá fyrirtækinu segir að það kappkosti ávallt að uppfylla óskir kaupenda, hvort sem þær eru um sætara bragð, sjálfbærnisjónarmið og nú – stærð. Hið nýja …

Tekjur Icelandair af farþegaflugi námu rúmlega 27 milljörðum króna á fyrsta fjórðungi ársins og hafa þeir aldrei verið hærri á þessum tíma árs. Sætaframboðið hefur heldur aldrei verið meira en það jókst það um 21 prósent á milli ára og var farþegahópurinn 14 prósent fjölmennari núna en fyrstu þrjá mánuðina í fyrra. Þá stóðu farþegar …

Það seldust 183 þúsund Volvo bílar á fyrsta fjórðungi ársins sem var aukning um 12 prósent frá sama tíma í fyrra. Engu að síður dróst veltan saman um 2 prósent og rekstrarafkoman (Ebit) nam 4,7 milljörðum sænskra króna eða 61 milljarði kr. Það er töluvert undir spá greinenda sem höfðu að jafnaði gert ráð rekstrarhagnaði …