Samfélagsmiðlar

Erfiðar kjaraviðræður í miðjum lífróðri

Forstjóri Icelandair segir að lítill tími sé til stefnu til að ná samkomulagi við flugmenn og flugfreyjur félagsins. Á hluthafafundi sem haldinn verður 22. maí verði að liggja fyrir langtímasamkomulag við flugstéttir. Af samtölum Túrista við flugmenn hjá félaginu þá eru vonbrigði með skeyti forstjórans í þeirra röðum.

Það var í gærkvöld sem Bogi Nils Bogason, forstjóri Icelandair Group, sendi starfsfólki sínu bréf þar sem hann ítrekaði að semja verði við flugstéttir til nokkurra ára til að tryggja næga þátttöku í komandi hlutafjárútboði. Einingarkostnaður vegna launa hjá Icelandair megi ekki vera hærri en hjá alþjóðlegum flugfélögum sem Icelandair beri sig saman við.

„Hvort sem okkur líkar betur eða verr gera fjárfestar kröfur um nýja langtímasamninga við flugstéttir sem gera félagið samkeppnishæft á næstu árum,“ skrifar Bogi. Hann segir að gera verði breytingar á samningum sem auki samkeppnishæfni en tryggi um leið góð starfskjör og eftirsótt starfsumhverfi. Því þurfi að gera talsverðar breytingar á samningum. Bogi segir í bréfinu að viðræður gangi misjafnlega vel við stéttarfélögin og að viðræður við Félag íslenskra atvinnuflugmanna og Flugfreyjufélag Íslands mættu vera á betri stað.

Ragnar Þór Ingólfsson, formaður VR, gagnrýnir Boga Nils harðlega í pistli á Facebook og fullyrðir að af samtölum sínum við stjórn­ar­menn í líf­eyr­is­sjóð­um þá hafi aldrei komið krafa um það að end­ur­semja þurfi við starfs­fólk félagsins líkt og fram kemur í frétt Kjarnans.

Íslenskir lífeyrissjóðir eiga í dag um helming af hlutafé Icelandair en stærsti hluthafinn er bandaríski vogunarsjóðurinn PAR Capital Management.

Guðlaug Líney Jóhannsdóttir, formaður Flugfreyjufélags Íslands, segir við RÚV að flugfreyjum sé brugðið við orðsendingu forstjóra Icelandair þar sem kemur fram að sjálft starfsfólkið sé helsta hindrunin í veginum þegar kemur að því að bjarga félaginu. Formaðurinn segir að flugfreyjur ætli ekki að taka á sig varanlega kjaraskerðingu.

Samkvæmt samtölum Túrista við flugmenn Icelandair þá telja þeir sig hafa nú þegar gefið töluvert eftir af sínum kjörum og því hafi bréf Boga Nils í gærkvöld valdið miklum vonbrigðum í þeirra röðum.

Þannig hafi flugmenn ítrekað lýst vilja sínum til að fjölga vinnutímum, gefa eftir frídaga á sumrin og auka vinnuskyldu um helgar. Með þessum aðgerðum og fleirum væri hægt að bæta nýtingu flugmanna um allt að fjórðung. Miklar árstíðasveiflur í sætaframboði hjá Icelandair takmarka aftur á móti nokkuð möguleikana að sögn viðmælenda Túrista. Þannig sé árstíðasveiflan minni hjá flugfélögum sem oft er horft til.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …