Það eru ekki margir á ferðinni þessa dagana en engu að síður halda flugfélög ennþá úti áætlunarferðum og þá sérstaklega innanlands. Og það er ekki laust við að ákveðin ringulreið ríki hjá farþegum og flugfélögum um hvernig eigi að snúa sér nú þegar krafa er um að fólk haldi ákveðinni fjarlægð frá hvoru öðru og noti jafnvel grímur.
Í Bandaríkjunum sáu stjórnendur Frontier flugfélagsins þannig tækifæri í að selja grímur um borð. Fljótt var skrúfað fyrir þessa nýju tekjulind í kjölfar harðrar gagnrýni frá farþegum.
Sum félög hafa svo haldið miðjusætinu auðu og það ætluðu forsvarsmenn United flugfélagsins líka að gera. Þau skilaboð hafa þó ekki borist til allra starfsmanna félagsins og þotur félagsins því farið í loftið þéttsetnar. Það gerðist til dæmis þegar félagið flutti heilbrigðisstarfsmenn frá New York borg en þar hafði fólki unnið í sjálfboðavinnu á sjúkrastofnunum.
I wanted to update that I did hear from @united tonight. They reached out and were extremely gracious. No need to rehash the whole discussion, but here is what they said about their new policy: https://t.co/G2FrLdm78S
— Ethan Weiss (@ethanjweiss) May 12, 2020
Þessi mynd komst á flug á Twitter og í kjölfarið lofaði United að taka sig á. Hér eftir verða farþegar United látnir vita ef þeir eiga bókað far í ferð sem væri nærri uppseld. Farþegunum verður þá gert kleift að velja annan brottfarartíma í staðinn og eins verður passað upp á að halda miðjusætum lausum eins og kostur er.
Twitter færsla ráðherra í indversku ríkisstjórninni hefur einnig vaktið athygli. Þar sitja farþegarnir líka þétt og allir með maska og plastgrímur. Flugfreyjan á myndinni er svo í hlýfðarfatnaði frá toppi til táar.
The times they are a changing!
Not a scene from a sci-fi blockbuster but a picture of passengers with face shields onboard the Singapore-Mumbai flight which landed earlier today.
Preventive measures are the new normal.
Changes are here to stay.@MoCA_GoI @airindiain pic.twitter.com/xMRvYS549Z— Hardeep Singh Puri (@HardeepSPuri) May 10, 2020