Samfélagsmiðlar

Hluthafar fleiri flugfélaga þurfa að taka stóra ákvörðun í dag

Stofnandi og stærsti hluthafi easyJet er ósáttur við núverandi stjórnendur og í dag verða meðeigendur hans að greiða atkvæði um tillögur hans um hallarbyltingu.

easyjet 2017

Strax í upphafi heimsfaraldursins sem nú geysar fór Stelios Haji-Ioannou, stofnandi easyJet, fram á að stjórnendur félagsins myndu rifta samkomulagi við Airbus um kaup á nýjum þotum. Þessi samningur hefur í áraraðir verið þyrnir í augum stofnandans en hann er stærsti hluthafi flugfélagsins og jafnframt eigandi vörumerkisins.

Stelios, eins og hann kýs að láta kalla sig, telur nefnilega að easyJet hafi stækkað of hratt og hafi ekki not fyrir eins margar þotur og stendur til að kaupa. Rekstur þessa næststærsta lággjaldaflugfélags Evrópu hefur þó gengið vel síðustu ár og stofnandinn umdeildi fengið vænar arðgreiðslur í takt við það.

Hann er samt sem áður ekki sáttur og á hluthafafundi easyJet í dag er komið að því að greiða atkvæði um tillögur hans um einskonar hallarbylltingu í félaginu. Verði vilji hans ofan á þá verða fjórir af æðstu stjórnendum félagsins látnir fara og þar á meðal forstjórinn Johan Lundgren.

Sá hefur náð samkomulagi við Airbus um að seinka afhendingu hluta af þeim þotum sem easyJet á pantaðar. Hann hefur þó sagt að ekki verði komast hjá endurnýjun flugflota félagsins. Um það er Stelios þó ekki sammála eins og áður segir.

Þess má geta að á árunum 2004 og 2006 átti FL Group, þáverandi móðurfélag Icelandair, allt að sautján prósent hlut í easyJet. Og höfðu Íslendingarnir áform um að eignast meirihluta í félaginu en Stelios vildi ekki selja. FL Group seldi svo hlutinn árið 2006 með vænum hagnaði.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …