Samfélagsmiðlar

Segir eðlilegt að íslenskt markaðsfólk vinni að markaðsátaki Íslandsstofu

Formaður Sambands íslenskra auglýsingastofa segir eðlilegt að sú herferð sem stjórnvöld ætla að fjármagna til kynningar á Íslandi sem áfangastað verði unnin hér á landi.

Guðmundur H. Pálsson, framkvæmdastjóri Pipar/TBWA og formaður SÍA.

Það bárust fimmtán umsóknir í framkvæmd á markaðsátaki Íslandsstofu sem ætlað er að styðja við stöðu Íslands sem áfangastaðar þegar ferðalög hefjast á ný. Sjö tilboðanna komu frá íslenskum fyrirtækjum og átta frá útlöndum líkt og Túristi greindi frá í gær. Þrettán manna valnefnd fer nú í gegnum umsóknirnar.

„Það var mjög áhugavert að sjá hversu margar stofur sendu inn tilboð í þetta markaðsátak Íslandsstofu og þá sérstaklega hversu margar erlendar stofur tóku þátt, sem kom öllum á óvart. Innan SÍA, Samband íslenskra auglýsingastofa, eru átta auglýsingastofur og taka þær flestar þátt í þessu útboði. Mjög ólíklegt er að minni stofur hafi þekkingu og bolmagn til að vinna og halda utanum svona stórt verkefni sem skýrir það að fleiri íslenskar stofur tóku ekki þátt,“ segir Guðmundur H. Pálsson, framkvæmdastjóri Pipar/TBWA og formaður SÍA.

„Það er að sjálfsögðu eðlilegt að þetta verkefni sé unnið af íslensku markaðsfólki til að tryggja að þekking á svona markaðssetningu haldi áfram að byggist upp hér á landi, en ég veit að sú þekking er til staðar hér á landi á mörgum stofum innan SÍA. Alþjóðleg markaðsþekking og tengsl eru eitt að því mikilvægasta sem við eigum og ef við ætlum að vera samfélag með háan kaupmátt þá má ekki gefa eftir á þeim vettvangi,“ bætir Guðmundur við.

Hann segir að verkefnið sé stórt og sérstaklega mikilvægt fyrir íslenska ferðaþjónustu og í raun efnahag landsins. „Þetta verkefni er unnið á erlendum mörkuðum og þarf að vinnast í samvinnu við aðila á þessum mörkuðum að einhverju leiti. Hingað til hefur þetta verkefni verið stýrt af Íslandsstofu og í samvinnu við stofu á Íslandi sem er með tengingar á þeim mörkuðum sem verið er að ná til. Ég tel það vera góða leið að vinna þetta markaðsátak, þ.e. frá Íslandi af íslensku markaðsfólki sem er með góðar tengingar við aðila á þeim mörkuðum sem verið er að leggja áherslu á hverju sinni. Að því sögðu getur vel verið að þær erlendar stofur sem sendu inn tilboð séu með þessa uppsetningu, þ.e. eru í samstarfi við íslenska aðila sem munu vera í daglegum tengslum við Íslandsstofu hér á Íslandi.“

Kostnaðaráætlun átaksins gerir ráð fyrir 300 milljónum króna í framleiðslu á kynningarefninu og telur Guðmundur að í þeirri upphæð liggi að hluta til skýringin á fjölda umsókna. „Önnur skýring er líklega verkefnastaða hjá stofum út um allan heim, en Covid áhrif hafa náð til auglýsingastofa víða.“

Til viðbótar við fyrrnefndar 300 milljónir þá er 1,2 milljarður króna eyrnamerktur kaupum á auglýsingabirtingum. Átakið mun því kosta einn og hálfan milljarð króna í heildina.

Nýtt efni
Veitingaþjónusta

Íslenskt atvinnulíf er mjög háð aðfluttu vinnuafli. Það á ekki síst við um ferðaþjónustuna. Umsvif hennar væru mun minni ef ekki kæmu hingað útlendingar þúsundum saman til starfa á ári hverju. Samkvæmt Hagstofunni voru 35.233 starfandi í einkennandi greinum ferðaþjónustu á Íslandi í júní 2023. Þar af voru um 15.500 útlendingar.  Heildartalan yfir þá sem …

Áætlunarflug milli Akureyrar og London hófst í lok október og síðan þá hafa þotur Easyjet flogið þessa leið tvisvar í viku en engin talning fer fram á fjölda ferðamanna á Akureyrarflugvelli öfugt við það sem tíðkast á Keflavíkurflugvelli. Til að meta fjölda breskra ferðamanna í beina fluginu þarf því að styðjast við gistináttatölur Hagstofunnar en …

Frakkar fjölmenna til Íslands allt árið um kring og í fyrra flugu frá Keflavíkurflugvelli 99 þúsund farþegar með franskt vegabréf. Það jafngildir því að fimm af hverjum 100 ferðamönnum hér á landi séu franskir enda eru flugsamgöngur milli Íslands og Parísar tíðar og stefnir í að þeir verði óvenju miklar næsta vetur. Það eru því …

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …