Snúa aftur til Keflavíkurflugvallar næsta sumar og þá á nýjum þotum

Stjórnendur American Airlines biðu ekki boðanna þegar bæði WOW air og Icelandair hófu sölu á flugi héðan til Dallas í Bandaríkjunum. Í þeirri borg er höfuðvígi American Airlines og svaraði félagið þessari innrás íslensku félaganna með því að hefja Íslandsflug frá Dallas/Fort Worth flugvelli. Framboðið varð því gríðarlegt á þessari flugleið sem kom íslenskri ferðaþjónustu til góðs líkt og tölur frá flugmálayfirvöldum vestanhafs sýndu.

American Airlines hélt svo uppteknum hætti síðasta sumar en þá hafði Icelandair dregið sig tilbaka frá Dallas og WOW air gjaldþrota. Núna í sumar ætlaði American Airlines svo að færa Íslandsflug sitt frá Dallas til Philadelphia og þar með veita Icelandair samkeppni í þeirri borg. Ekkert verður þó af þessum ferðum í sumar vegna niðurskurðar hjá bandaríska flugfélaginu sem rekja má til kórónaveirukrísunnar.

American Airlines hefur notað Boeing 757 þotur í ferðir sínar til Íslands en nú ætla stjórnendur félagsins að leggja þessum gömlu þotum alfarið. Næsta sumar áformar American Airliens því að fljúga nýjum Airbus A321neo þotum hingað til lands og það daglega frá Philadelphia samkvæmt frétt flugsíðunnar Routes online.

Í Airbus þotunum eru 196 sæti eða tuttugu fleiri en í gömlu Boeing þotunum sem félagið notaði áður. Þar með eykst sætaframboðið umtalsvert. Sala á flugferðum sumarsins 2021 er þó ekki hafin á vef American Airlines.

Seldu mun fleiri áfengislítra en fyrir heimsfaraldur

Það seldust rúmlega 24 þúsund lítrar af áfengi í Áfengis- og tóbaksverslun ríkisins í fyrra samkvæmt nýrri ársskýrslu. Aðeins tvisvar sinnum áður hefur salan verið meiri í lítrum talið. Skráðu þig inn til að lesa Þessi grein er aðeins aðgengileg áskrifendum. Smelltu hér til að kanna áskriftarleiðir. Netfang Lykilorð Muna mig Gleymt lykilorð

„Metnaðarfull áform um vöxt“

Eftir breytingar í eigendahópi á Arctic Adventures ekki lengur hlut í ferðaþjónustufyrirtækjum í Alaska. Nýi forstjórinn, Ásgeir Baldurs, segir að helsta verkefnið nú sé að tryggja stöðugleika í rekstrinum. Fyrst um sinn einbeiti félagið sér að starfseminni hér heima - en stefnt sé að því að stækka félagið og hugsanlega setja á markað.

Í fyrsta sinn áætlunarflug milli Íslands og Grikklands

Flugfélagið Play fór sitt fyrsta flug til Aþenu, höfuðborgar Grikklands, í morgun. Þar með er í fyrsta skipti hafið beint áætlunarflug á milli Íslands og Aþenu. Til stóð að áætlunin myndi ná frá júní og út október en vegna mikillar eftirspurnar eftir ferðum með Play til Aþenu var ákveðið að framlengja hana til janúar 2024. Í … Lesa meira

Fleiri en tveir áhugasamir um stóran hlut

Það styttist í hlutafjárútboð SAS en þar er ætlunin að fá fjárfesta til að leggja rúmlega 120 milljarða íslenskra króna í þetta stærsta flugfélag Norðurlanda. Um leið verða núverandi hlutabréf nærri verðlaus og þar með verður bundinn endi á veru sænska ríkisins í hópi stærstu hluthafa. Ríkisstjórn Svíþjóðar ætlar nefnilega ekki að taka þátt í … Lesa meira

Hlutdeild erlendu flugfélaganna dalar áfram

Það voru 18 erlend flugfélög sem héldu úti áætlunarferðum til Keflavíkurflugvallar í maí og tvö íslensk, Icelandair og Play. Þessir tvær hópar skipta markaðnum á milli sín með ójöfnum hætti ef svo má segja og bilið milli þeirra breikkar. Skráðu þig inn til að lesa Þessi grein er aðeins aðgengileg áskrifendum. Smelltu hér til að … Lesa meira

Snúa aftur til Keflavíkurflugvallar næsta sumar og þá á nýjum þotum

Ekkert verður af daglegum ferðum American Airlines til Keflavíkurflugvallar í sumar. Aftur á móti ætlar félagið að snúa aftur á næsta ári og þá á Airbus þotum í stað Boeing.

Icelandair og Turkish Airlines hefja samstarf