Spán­ar­ferðir kannski mögu­leiki í lok júní

Frá sundlaugarbakka á Tenerife. Mynd: Ferðamálaráð Spánar

Þeir sem ferðast til Spánar í dag þurfa að fara í tveggja vikna sóttkví við komuna til landsins. Spænskir ráða­menn vonast aftur á móti til að í lok næsta mánaðar verði hægt að draga úr þessum kröfum og opna landið almenni­lega fyrir ferða­fólki.

„Um leið og Spán­verjar mega ferðast á milli héraða þá geta ferða­menn komið til Spánar,” er haft eftir Jose Luis Abolos, samgöngu­ráð­herra Spánar, á breska ferða­vefnum Travel­mole.

Þar er jafn­framt haft eftir forsvars­manni ferða­mála í Palma á Mall­orca að undir­bún­ingur sé hafinn fyrir komandi vertíð.

Í því samhengi má rifja upp að Eurow­ings, dótt­ur­félag Luft­hansa, mun meðal annars einbeita sér að flugi frá Þýskalandi til áfanga­staða við Miðjarð­ar­hafið í næsta mánuði. Aftur á móti virðist félagið ætla að hinkra með ferðir sínar frá Hamborg til Íslands.

Íslend­ingar fjöl­menna til Spánar allt árið um kring þannig hefur framboð íslenskra ferða­skrif­stofa á sólar­landa­ferðum nær eingöngu takmarkast við Spán­ar­reisur.

Framboð á áætl­un­ar­flugi héðan til Spánar er aftur á móti í lausu lofti því útlit er fyrir að Norwegian muni ekki sinna Íslands­flugi frá Spáni næstu mánuði. Á sama tíma hefur Icelandair ákveðið að bíða í alla vega eitt ár með að hefja áætl­un­ar­flug til Barcelona.