Samfélagsmiðlar

Þegar ríkisbankarnir tóku Icelandair yfir

Hluthafar Icelandair Group koma saman seinnipartinn í dag og greiða atkvæði um að auka hlutafé félagsins. Meðal stærstu kröfuhafa eru ríkisbankarnir tveir en þeir leystu einmitt til sín meirihluta í félaginu fyrir ellefu árum síðan.

Það er viðbúið hluthafar Icelandair veiti heimild til að auka hlutafé í félaginu á hluthafafundi seinnipartinn í dag. Markmiðið er að afla samsteypunni um þrjátíu milljarða króna en kröfuhöfum býðst jafnframt að breyta skuldum í eigið fé.

Meðal stærstu kröfuhafa eru ríkisbankarnir tveir, Íslandsbanki og Landsbanki. Sá fyrrnefndi hefur lengi verið viðskiptabanki Icelandair Group og Landsbankinn lánaði fyrirtækinu 80 milljónir dollara (um 11,5 milljarða króna) í mars í fyrra gegn veði í tíu þotum.

Það voru einmitt þessir tveir bankar sem fengu Icelandair í fangið eftir hrun. Vorið 2009 leysti Íslandsbanki þannig til sín fjörutíu og tvö prósent hlutafjár í félaginu en eigendur bréfanna voru fjárfestingafélögin Máttur og Naust.

Helstu eigendur Máttar voru bræðurnir Kars og Steingrímur Wernersynir. Síðarnefnda félagið var í eigu Engeyjarættarinnar og fóru aðrir bræður, þeir Einar og Benedikt Sveinssynir, fyrir því. Þeir áttu einnig hlut í Mætti. Skuldir þessara tveggja félaga voru afskrifaðar að töluverðu leiti eins og rakið var í umfjöllun Stundarinnar um Glitnisskjölin.

Landsbankinn tók svo yfir fjórðunghlut Langflugs í Icelandair en það félag var að stærstum hluta í eigu Finn Ingólfssonar, fyrrum ráðherra Framsóknarflokksins. Langflug fór skömmu síðar í þrot og tapaði Landsbankinn þar um átta milljörðum og Íslandsbanki fimm.

Endurskipulagning á rekstri Icelandair hófst svo í kjölfar yfirtökunnar en þegar þarna var komið við sögu átti Icelandair meðal annars stóran hlut í flugfélögum í Tékklandi og Lettlandi. Einnig hafði fyrrum móðurfélag Icelandair, FL Group, skuldbundið félagið fyrir kaupum á Dreamliner þotum frá Boeing. Rétturinn á þeim var svo seldur til Norwegian sem nýtti þær þotur til að hefja flug yfir Norður-Atlantshafið í harðri samkeppni við Icelandair.

Í júní árið 2010, rúmu ári eftir að ríkisbankarnir tveir tóku yfir tvo þriðju hlutafjár í Icelandair, þá keypti Framtakssjóður Íslands, sem var í eigu lífeyrissjóðanna, 30 prósent hlut í Icelandair. Hálfu ári síðar var flugfélagið á ný skráð í íslensku kauphöllina.

Þá tóku við sjö ár í röð þar sem félagið skilaði góðri afkomu. Svo fór að halla undan fæti og tapaði Icelandair samsteypan samtals fjórtán milljörðum króna árin 2018 og 2019. Þau ár voru þó almennt góð í flugrekstri.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …