Samfélagsmiðlar

Vilja gjarnan fá íslenska túrista til Portúgal í sumar

Þó eiginleg landamæri Portúgal verði ekki opnuð á næstunni þá munu ferðamenn engu að síður geta flogið til landsins frá og með miðjum júní.

Baðstrendur í Portúgal opna á ný þann 6. júní.

Veitingastaðir, söfn, golfvellir og sérverslanir hafa verið opnaðar á ný í Portúgal. Frá og með sjötta júní verður fólki svo hleyft út á baðstrandir landsins. Á sama tíma binda yfirvöld í landinu vonir við að ferðamenn mæti á svæðið í auknum mæli.

Íslendingar eru sérstaklega velkomnir segir Ana Carreira, talsmaður ferðamálaráðs Portúgal, í samtali við Túrista. „Árangur Íslands í baráttunni við kórónaveirunna hefur verið framúrskarandi. Við horfum því til þess að fá ferðamenn þaðan og vonandi batna flugsamgöngur milli landanna tveggja.“

Við komuna til Portúgal verða ferðamenn að aðeins að framvísa neikvæðum niðurstöðum við Covid-19 ef ferðinni er heitið til Azor eyja eða hluta af Madeira. Þess þarf ekki ef ætlunin er aðeins að dvelja á meginlandi Portúgal.

Til að tryggja öryggi erlendra gesta þá hefur ferðamálaráð Portúgal sett á laggirnar vottunarferli sem kallast „Clean & Safe“. Þá vottun fá þau fyrirtæki sem sýna fram á að þau uppfylli kröfur um sótthreinsun og hreinlæti. Fimm þúsund fyrirtæki hafa nú þegar fengið vottunina og gildir hún í eitt ár.

Ekkert áætlunarflug hefur verið í boði milli Íslands og Portúgal og ferðir íslenskra ferðaskrifstofa þangað takmarkast nær eingöngu við sérferðir til Lissabon.

Nýtt efni

Play tapaði 3,1 milljarði króna fyrir skatt á fyrsta ársfjórðungi í fyrra en núna var tapið 19 prósent hærra eða 3,7 milljarðar króna. Félagið jók framboðið um 63 prósent á milli þessara tveggja fjórðunga en í flota félagsins voru sex til átta þotur í byrjun síðasta árs en núna eru þær tíu. Einar Örn Ólafsson, …

Sjóðir bandaríska flugvélaframleiðandans Boeing minnkuðu um 3,9 milljarða dollara á fyrsta ársfjórðungi. Upphæðin jafngildir 550 billjónum íslenskra króna og skýringin á þessum mikla fjármagnsbruna liggur í endurteknum göllum í þeim flugvélum sem fyrirtækið framleiðir. Af þeim sökum hefur bandaríska flugöryggisstofnunin takmarkað afköstin í verksmiðjum Boeing við 38 Max þotur í mánuði. Þar með þurfa flugfélög …

Fyrr á þessu ári kynnti fyrirtækið til sögunnar Precious Honeyglow anansinn sem er aðeins um 600 1000 grömm að þyngd eða um það bil helmingi minni en hefðbundinn ananas.Í fréttatilkynningu frá fyrirtækinu segir að það kappkosti ávallt að uppfylla óskir kaupenda, hvort sem þær eru um sætara bragð, sjálfbærnisjónarmið og nú – stærð. Hið nýja …

Tekjur Icelandair af farþegaflugi námu rúmlega 27 milljörðum króna á fyrsta fjórðungi ársins og hafa þeir aldrei verið hærri á þessum tíma árs. Sætaframboðið hefur heldur aldrei verið meira en það jókst það um 21 prósent á milli ára og var farþegahópurinn 14 prósent fjölmennari núna en fyrstu þrjá mánuðina í fyrra. Þá stóðu farþegar …

Það seldust 183 þúsund Volvo bílar á fyrsta fjórðungi ársins sem var aukning um 12 prósent frá sama tíma í fyrra. Engu að síður dróst veltan saman um 2 prósent og rekstrarafkoman (Ebit) nam 4,7 milljörðum sænskra króna eða 61 milljarði kr. Það er töluvert undir spá greinenda sem höfðu að jafnaði gert ráð rekstrarhagnaði …

„Afkoma fyrsta ársfjórðungs var í takt við væntingar okkar en rekstrarniðurstaðan í janúarmánuði litaðist af áhrifum alþjóðlegrar umfjöllunar um eldgos á Reykjanesi. Við nýttum þann mikla sveigjanleika sem félagið býr yfir til að laga sætaframboð að markaðsaðstæðum og jukum fjölda tengifarþega um 48 prósent með aukinni áherslu á þann markað þar sem markaðurinn til Íslands …

Áður en skemmtiferðaskipin taka að fylla götur Ísafjarðar af forvitnum ferðalöngum eru tvær helgar að vori sem fylla bæinn af heldur ólíkum hópum fólks. Sú fyrri er páskahelgin þegar tónlistarfólk og áhangendur þeirra þyrpast í bæinn til að taka þátt í rokkhátíð alþýðunnar, Aldrei fór ég suður, og sú síðari er Fossavatnshelgin, sem fór fram …

Tekjur Finnair drógust saman um tvö prósent á fyrsta fjórðungi ársins þrátt fyrir að finnska flugfélagið hafi aukið framboðið. Skýringin á samdrættinum liggur í verkföllum, verri sætanýtingu og lægri tekjum af fraktflutningum samkvæmt uppgjöri félagsins sem birt var í morgun. Rekstrarkostnaður Finnair á fyrsta ársfjórðungi var á pari við sama tímabil í fyrra og tapaði …