Samfélagsmiðlar

13 prósent þjóðarinnar stefnir til útlanda í sumar

Margir ætla að bíða með ferðalög út í heim fram á næsta ár en engu að síður setja margir stefnuna út fyrir landsteinana nú í sumar og ennþá fleiri í haust og í vetrarbyrjun.

Í byrjun þarnæstu viku fjölgar áætlunarferðum frá Keflavíkurflugvelli töluvert.

Nú er rétt rúm vika í enduropnun landamæra fjölda Evrópuríkja og þar á meðal Íslands. Á sama tíma kemst farþegaflug til og frá Keflavíkurflugvelli í hefðbundnari skorður og þannig munu þotur Icelandair fljúga fjörutíu og eina ferða í viku hverri til evrópskra áfangastaða. Flestar ferðirnar verða til Kaupmannahafnar eða níu í hverri viku. Auk þess munu flugfélög eins og SAS, Transavia og Wizz Air taka upp þráðinn í Íslandsflugi.

Það verður þó margt öðruvísi við ferðalög milli landa nú í sumar vegna kórónaveirunnar. Engu að síður segjast þrettán prósent Íslendinga ætla út nú í sumar og um fjórðungur þjóðarinnar segir líklegt að haldið verði út í heim á tímabilinu september til desember í ár.

Á hinn bóginn segir helmingurinn að utanlandsferð verði í fyrsta lagi á dagskrá á næsta ári. Um tíund svarenda ætlar að bíða ennþá lengur.

Þetta kemur fram í niðurstöðum nýrrar könnunar á vegum EMC rannsókna sem framkvæmd var síðustu vikuna í maí. Alls tóku 718 svarendur þátt í rannsókninni og endurspeglar þýðið Íslendinga með tilliti til kyns, aldurs og búsetu.

Áhuginn á ferðum út í heim í ár er mestur meðal eldra fólks, íbúa höfuðborgarsvæðisins og tekjuhærri hópa. Hér má kynna sér niðurstöður könnunarinnar nánar.

Þess ber að geta að nú fyrir helgi var tilkynnt að erlendir ferðamenn og Íslendingar sem kom til landsins verða sjálfir að borga fimmtán þúsund krónur fyrir Covid-19 próf.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …