Heildarfjöldi greiddra gistinátta í maí síðastliðnum dróst saman um 89 prósent samanborið við maí 2019. Þar af fækkaði gistinóttum á hótelum um 88 prósent og um 86 prósent á gistiheimilum samkvæmt frétt á veg Hagstofunnar.
Þar segir að í heildina nam fækkun á öðrum tegundum gististaða 84 prósentum og er þar horft til farfuglaheimila, orlofshúsa o.s.frv. Ekki var hægt að áætla erlendar gistinætur á stöðum sem miðla gistingu í gegnum Airbnb og svipaðar síður að þessu sinni þar sem hin mikla fækkun farþega á Keflavíkurflugvelli gerir framkvæmd landamærakönnunar þar ómögulega.
Þegar aðeins er horft til gistanátta á hótelum þá sést vel hversu þungt útlendingar vega. Gistinóttum þeirra fækkaði þannig um 99 prósent í maí en samdrátturinn hjá Íslendingum nam rúmlega tíund.
