Ætla að hefja áætlunarflug til Íslands frá Þýskalandi

Nú lok vetrar lagði ungverska flugfélagið Wizz Air niður Íslandsflug sitt frá Riga og Vilnius. Þar með fækkaði evrópsku borgunum sem hægt er að fljúga með félaginu frá Keflavíkurflugvelli niður í átta.

Undir lok maí bætti Wizz Air svo við áætlunarferðum hingað frá Mílanó og nú í morgun hófst sala á flugmiðum með félaginu til Íslands frá þýsku borginni Dortmund.

Fyrsta ferðin er á dagskrá sunnudaginn 9. ágúst og gert er ráð fyrir tveimur brottförum í viku frá Keflavíkurflugvelli út næsta vetur í það minnsta. Til Dortmund hefur ekki áður verið hægt að fljúga beint frá Íslandi.

Gert var ráð fyrir sumarflugi héðan til fimm þýskra borga en þær verða nú sex með þessari viðbót. Úrvalið var reyndar mun meira því síðustu ár hafa borgir eins og Dresden, Köln, Nürnberg, Friedrichshafen, Stuttgart og Bremen dottið út af leiðakerfi Keflavíkurflugvallar.

Auk þess að fljúga hingað frá Mílanó og Dortmund þá býður Wizz Air upp á Íslandsferðir frá fimm pólskum borgum, Búdapest, London og Vínarborg.

Hvetja íslensk stjórnvöld áfram í viðræðum við ESB

„Flugsamgöngur eru ein mikilvægasta grunnstoð byggðar á Íslandi auk þess sem efnahagslegur og samfélagslegur ávinningur af flugstarfsemi fyrir Ísland er ótvíræður. Mikið er í húfi við að vinna að sjálfbærri framtíð flugs um og á Íslandi og hafa flugfélög sett sér metnaðarfull markmið á sviði umhverfismála m.a. með því að taka þátt í verkefnum sem … Lesa meira

Fyrsti forstjórinn snýr aftur

Guðni Ingólfsson var ráðinn framkvæmdastjóri flugrekstrarsviðs Play í mars í fyrra og tók hann við stöðunni af Arnari Má Magnússyni, einum af stofnendum flugfélagsins og fyrrum forstjóra. Arnar Már hóf þá að vinna sem flugstjóri hjá Play en lét svo af störfum hjá flugfélaginu um síðustu áramót. Arnar Már var þó ekki lengi í burtu því … Lesa meira

Breytt viðhorf kínverskra ferðamanna

Spáð er hægum efnahagsbata í Kína á árinu. Líklegt er að fleiri en fyrir heimsfaraldur ferðist innanlands. Tæland var vinsælasti áfangastaður Kínverja á fyrstu mánuðunum. Líklegt er að færri Kínverjar en áður heimsæki París, Madríd og Feneyjar - en fleiri kjósi náttúruskoðunarferðir.

Ekki kominn tími til að halla sér aftur

Endurreisn ferðaþjónustunnar eftir heimsfaraldur varð hröð af því að fyrirtækin voru fyrir hendi. Miklir fjármunir töpuðust þrátt fyrir mótvægisaðgerðir en vegna góðrar afkomu á síðasta ári eru horfur betri en ella. Þetta eru meðal niðurstaðna í greiningu KPMG á fjárhagsstöðu ferðaþjónustunnar, sem kynnt var í dag.

„Maður sýnir ekki plan B“

„Þetta er eitt mikilvægasta mál sem Ísland stendur frammi fyrir," sagði Lilja Dögg Alfreðsdóttir, ferðamálaráðherra, í Brussel í morgun um boðaðar breytingar á viðskiptakerfi með losunarheimildir frá flugi. Hún er vongóð um að tekið verði tillit til hagsmuna Íslands en vill ekkert segja hvaða afleiðingar það hefði á stöðu Íslands innan EES ef breytingar nást ekki fram.

Vanguard á lista yfir stærstu hluthafa Icelandair

Bandarískir sjóðir halda áfram að auka hlut sinn í Icelandair því samkvæmt nýjum hluthafa lista þá hefur bandaríska sjóðastýringafyrirtækið Vanguard eignast 0,89 prósent hlut í Icelandair. Flugfélagið bætist þar með í hóp fjölda skráðra íslenskra fyrirtækja sem Vanguard hefur fjárfest í undanfarin misseri. Um leið eykst vægi erlendra fjárfesta í eigendahópi Icelandair en líkt og … Lesa meira