Samfélagsmiðlar

Ætla að hleypa Íslendingum á hótel í Kaupmannahöfn

Dönsk stjórnvöld ætla að bakka með kröfuna um að ferðamenn í landinu gisti fyrstu sex næturnar fyrir utan höfuðborgina.

kaupmannahofn yfir

Á mánudaginn opna Danir landamæri sín en þó aðeins fyrir ferðafólki frá Þýskalandi, Noregi og Íslandi. Upphaflega stóð til að heimila erlendu gestunum ekki að tékka sig inn á hótel í Kaupmannahöfn fyrstu sex næturnar. Þannig vildu dönsk stjórnvöld draga úr líkunum á Covid-19 smiti í höfuðborginni.

Nú fyrir stundu gaf aftur á móti dómsmálaráðherra Danmerkur út að túristum yrði þrátt fyrir allt leyft að búa á hótelum og gistihúsum í Kaupmannahöfn frá og með 15.júní. Áfram verður þó gerð krafa um að ferðafólk geti sýnt fram á bókun á sex gistinóttum við komuna til Danmerkur.

Danska ferðaþjónustan hafði gagnrýnt harðlega fyrrnefnt gistibann í Kaupmannahöfn. Sérstaklega þar sem leyfa átti ferðamönnum að spóka sig í borginni yfir daginn.

Á mánudaginn komast flugsamgöngur milli Íslands og Kaupmannahafnar í gang á ný. Icelandair ætlar þá að fljúga níu ferðir í viku til borgarinnar og þaðan munu svo þotur SAS fljúga um það bil annan hvern dag.

Smelltu hér til að bera saman verð á gistingu í Kaupmannahöfn

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …