Fólkið sem stýrir PLAY

Hið verðandi flugfélag PLAY hefur sett í loftið nýja heimasíðu. Þar má sjá hvaða fólk það er sem er í brúnni hjá félaginu.

Ný vefsíða PLAY fór í loftið fyrr í dag. Þar er að finna upplýsingar um stjórnendateymi félagsins en mörg þeirra sem það skipa hafa langa reynslu frá WOW air.

Á nýju heimasíðunni eru líka upplýsingar um umhverfisstefnu félagsins og fleira. Ekki kemur fram hvert PLAY mun fljúga eða hvenær hægt verður að bóka far með félaginu en á heimasíðunni segir að það verði fljótlega.

Líkt og áður hefur komið fram munu þotur félagsins fljúga bæði til Norður-Ameríku og Evrópu og er ætlunin að hefja flug nú í haust líkt og fram kemur á nýju heimasíðunni.