Samfélagsmiðlar

Hátt í níu hundruð farþegar eiga bókað far hingað með Icelandair

Á morgun kemst áætlunarflug til og frá landinu í fastari skorður enda opnar þá fjöldi Evrópuríkja landamæri sín á ný.

Það verða fleiri á ferðinni í Leifsstöð á morgun en verið hefur síðustu vikur.

Þotur Icelandair munu fljúga til tvisvar sinnum til Kaupmannahafnar á morgun og svo eina ferð til Óslóar, Stokkhólms og Frankfurt. Flugvélarnar munu allar snúa tilbaka til Keflavíkurflugvallar samdægurs.

Ferðirnar til Íslands, þennan fyrsta dag opinna landamæra, verða því fimm talsins. Og fyrir helgi voru rétt tæplega níu hundruð farþegar bókaðir í þær samkvæmt yfirliti sem sent var á starfsfólk Icelandair fyrir helgi og Túristi hefur séð.

Farþegar á leið úr landi á morgun eru nokkru færri eða tæplega sjö hundruð talsins samkvæmt yfirlitinu. Hafa ber í huga að þessar tölur byggja á bókunarstöðunni fyrir helgi.

Það stefnir engu að síður í að hluti af þotum Icelandair verði þéttsetnar á morgun. Þó verður að hafa í huga að vegna heimsfaraldursins og ýmissa ferðatakmarkanna þá má gera ráð fyrir að fjöldi farþega mæti ekki í flug næstu vikur og mánuði.

Eins og áður hefur komið fram á verður hægt að taka sýni úr allt að tvö þúsund farþegum á dag á Keflavíkurflugvelli. En auk Icelandair þá mun SAS fljúga eina ferð hingað á morgun frá Kaupmannahöfn og Atlantic Airways frá Færeyjum.

Þota færeyska flugfélagsins lendir á Keflavíkurflugvelli um kaffileytið en þá koma líka fjórar af fimm þotum Icelandair til landsins. Það má því búast við einhverri bið á þessum tíma dags eftir sýnatöku.

Nýtt efni
Veitingaþjónusta

Íslenskt atvinnulíf er mjög háð aðfluttu vinnuafli. Það á ekki síst við um ferðaþjónustuna. Umsvif hennar væru mun minni ef ekki kæmu hingað útlendingar þúsundum saman til starfa á ári hverju. Samkvæmt Hagstofunni voru 35.233 starfandi í einkennandi greinum ferðaþjónustu á Íslandi í júní 2023. Þar af voru um 15.500 útlendingar.  Heildartalan yfir þá sem …

Öll þau nándarhöft sem lögð voru á íþróttamenn á Ólympíuleikunum í Tókýó árið 2021 verða afnumin þegar ólympíuleikarnir í París hefjast í sumar. Í Tókýó var farið fram á það við afreksfólkið sem tók þátt í leikunum að það forðaðist alla óþarfa nánd og snertingu til að koma í veg fyrir Covid-smit.  Ólympíuleikarnir og Ólympíumót …

Áætlunarflug milli Akureyrar og London hófst í lok október og síðan þá hafa þotur Easyjet flogið þessa leið tvisvar í viku en engin talning fer fram á fjölda ferðamanna á Akureyrarflugvelli öfugt við það sem tíðkast á Keflavíkurflugvelli. Til að meta fjölda breskra ferðamanna í beina fluginu þarf því að styðjast við gistináttatölur Hagstofunnar en …

Frakkar fjölmenna til Íslands allt árið um kring og í fyrra flugu frá Keflavíkurflugvelli 99 þúsund farþegar með franskt vegabréf. Það jafngildir því að fimm af hverjum 100 ferðamönnum hér á landi séu franskir enda eru flugsamgöngur milli Íslands og Parísar tíðar og stefnir í að þeir verði óvenju miklar næsta vetur. Það eru því …

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …