Samfélagsmiðlar

Hér mega íslenskir ferðamenn gista í nágrenni við Kaupmannahöfn

Þeir sem ætla til Danmerkur í sumar verða að sýna fram á að þeir séu með bókun á gistingu þar í landi fyrstu sex næturnar en þó ekki í höfuðborginni sjálfri.

Hvíta svæðið sýnir hvar mörk Kaupmannahafnar liggja.

Flugsamgöngur milli Íslands og Danmerkur hafa legið niðri í heimsfaraldrinum en á mánudaginn verður á ný hægt að fljúga héðan til Kaupmannahafnar. Dönsk yfirvöld ætla þá að opna landamæri sín gagnvart túristum frá Þýskalandi, Noregi og Íslandi.

Aðeins þeir sem geta sýnt fram á bókun á gistingu í Danmörku í sex daga fá að fara inn landið. Og það sem meira er þá má fólk ekki búa á hóteli inní Kaupmannahöfn fyrst um sinn jafnvel þó ferðamönnum sé frjálst að verja deginum í borginni.

Það þarf þó ekki að fara langt frá miðborg Kaupmannahafnar til að finna hótel sem eru utan við borgina sjálfa. Því eins og sjá má á kortinu hér fyrir ofan, þar sem höfuðborgarsvæðið er merkt með hvítum lit, þá má til að mynda gista í nágrenni við flugvöllinn út á Kastrup. Þangað gengur metrólestin beint úr bænum.

Einnig er ekki langt í úthverfi eins og Rødovre og Hvidovre. Svo er fjöldi huggulegra hótel meðfram strandlengjunni norður frá Kaupmannahöfn.

Samkvæmt upplýsingum frá Horesta, samtökum gisti- og hóteleigenda í Danmörku, þá ættu ferðamenn að geta flutt sig á hótel inn í Kaupmannahöfn eftir að hafa gist fyrir utan borgina fyrstu sex næturnar.

Hér má gera verðsamanburð á hótelum í Danmörku en Túristi mælist til að þeir sem ætla að bóka sér gistingu inn í Kaupmannahöfn í sumar verði í beinu sambandi við viðkomandi hótel eða gististað til að ganga úr skugga um að flytja megi sig inn í borgina eftir sex nætur fyrir utan. Leitarvélina má líka nota til sjá úrval af gististöðum í nágrannasveitarfélögum Kaupmannahafnar.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …