Samfélagsmiðlar

Icelandair hættir við sumarflug til níu flugvalla

Flugfélög víða um heim hafa skorið verulega niður sumaráætlun sína vegna heimsfaraldursins og Icelandair er þar engin undantekning.

vancouver yfir d

Séð yfir Vancouver en kanadíska borgin er ein þeirra sem dottin er út af sumaráætlun Icelandair.

Borgirnar Barcelona á Spáni og Manchester á Englandi duttu út af sumaráætlun Icelandair fyrir hálfum mánuði síðan. Á sama tíma tók félagið úr sölu ferðir til Philadelphia og Portland í Bandaríkjunum, kanadísku borganna Montreal, Edmonton og Vancouver auk Billund í Danmörku, Bergen í Noregi og Gatwick flugvallar við London.

Nú er liggur fyrir að ekkert verður af ferðum til þessara átta flugvalla í sumar. Einnig falla niður ferðir til Anchorage í Alaska. Þetta staðfestir Ásdís Ýr Pétursdóttir, upplýsingafulltrúi Icelandair, í svari við fyrirspurn Túrista.

Hún undirstrikar að þessi breyting á aðeins við um núverandi sumaráætlun en ekki komandi vetraráætlun. En Icelandair hefur til að mynda flogið til Gatwick allt árið um kring og stóran hluta ársins til Portland, Vancouver, Edmonton og Bergen.

Með þessum breytingum þá falla niður allar flugsamgöngur frá Íslandi til flestra þessara borga því Icelandair var eitt um ferðirnar til þeirra allra ef London og Manchester eru frátaldar.

Það leit að vísu út fyrir að félagið fengi samkeppni í Íslandsflugi frá Philadelphia í sumar en American Airlines hætti við flug sitt hingað frá borginni í sumar. Og ekkert verður heldur að ferðum Air Canada hingað frá Montreal og Toronto í ár.

Nýtt efni
Veitingaþjónusta

Íslenskt atvinnulíf er mjög háð aðfluttu vinnuafli. Það á ekki síst við um ferðaþjónustuna. Umsvif hennar væru mun minni ef ekki kæmu hingað útlendingar þúsundum saman til starfa á ári hverju. Samkvæmt Hagstofunni voru 35.233 starfandi í einkennandi greinum ferðaþjónustu á Íslandi í júní 2023. Þar af voru um 15.500 útlendingar.  Heildartalan yfir þá sem …

Öll þau nándarhöft sem lögð voru á íþróttamenn á Ólympíuleikunum í Tókýó árið 2021 verða afnumin þegar ólympíuleikarnir í París hefjast í sumar. Í Tókýó var farið fram á það við afreksfólkið sem tók þátt í leikunum að það forðaðist alla óþarfa nánd og snertingu til að koma í veg fyrir Covid-smit.  Ólympíuleikarnir og Ólympíumót …

Áætlunarflug milli Akureyrar og London hófst í lok október og síðan þá hafa þotur Easyjet flogið þessa leið tvisvar í viku en engin talning fer fram á fjölda ferðamanna á Akureyrarflugvelli öfugt við það sem tíðkast á Keflavíkurflugvelli. Til að meta fjölda breskra ferðamanna í beina fluginu þarf því að styðjast við gistináttatölur Hagstofunnar en …

Frakkar fjölmenna til Íslands allt árið um kring og í fyrra flugu frá Keflavíkurflugvelli 99 þúsund farþegar með franskt vegabréf. Það jafngildir því að fimm af hverjum 100 ferðamönnum hér á landi séu franskir enda eru flugsamgöngur milli Íslands og Parísar tíðar og stefnir í að þeir verði óvenju miklar næsta vetur. Það eru því …

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …