Samfélagsmiðlar

Löndin fimmtán sem fá að heimsækja Evrópu

Ráðamenn í Brussel hafa gefið út hvaða fimmtán lönd utan Evrópusambandsins og Schengen fá að komast inn fyrir ytri landsmærin frá og með morgundeginum.

kaupmannahofn ferdamadur Morten Jerichau

Ferðamaður við Amalienborg í Kaupmannahöfn.

Það hefur verið í bígerð að opna ytri landamæri Evrópusambandsins og Schengen svæðisins þann fyrsta júlí. Sá dagur rennur upp á morgun en það var fyrst nú í dag sem Evrópusambandið birti lista yfir þau fimmtán lönd sem nú fá aðgang að aðildarlöndum Schengen um mánaðamótin.

Líkt og áður hafði komið fram eru Bandaríkjamenn ekki á lista enda er gerð krafa um að tíðni nýrra Covid-smita, í viðkomandi landi, sé álíka eða undir meðaltali Evrópusambandsríkjanna.

Löndin fimmtán sem um ræðir eru eftirtalin:

  • Alsír
  • Ástralía
  • Kanada
  • Georgía
  • Japan
  • Svartfjallaland
  • Marokkó
  • Nýja-Sjáland
  • Rúanda
  • Serbía
  • Suður-Kórea
  • Taíland
  • Túnís
  • Uruguay
  • Kína

Ferðamenn frá þessum löndum ættu þá samkvæmt öllu að geta farið að ferðast hingað til lands. Þess ber þó að geta að listinn verður uppfærður á tveggja vikna fresti til að byrja með.

Nýtt efni
Veitingaþjónusta

Íslenskt atvinnulíf er mjög háð aðfluttu vinnuafli. Það á ekki síst við um ferðaþjónustuna. Umsvif hennar væru mun minni ef ekki kæmu hingað útlendingar þúsundum saman til starfa á ári hverju. Samkvæmt Hagstofunni voru 35.233 starfandi í einkennandi greinum ferðaþjónustu á Íslandi í júní 2023. Þar af voru um 15.500 útlendingar.  Heildartalan yfir þá sem …

Áætlunarflug milli Akureyrar og London hófst í lok október og síðan þá hafa þotur Easyjet flogið þessa leið tvisvar í viku en engin talning fer fram á fjölda ferðamanna á Akureyrarflugvelli öfugt við það sem tíðkast á Keflavíkurflugvelli. Til að meta fjölda breskra ferðamanna í beina fluginu þarf því að styðjast við gistináttatölur Hagstofunnar en …

Frakkar fjölmenna til Íslands allt árið um kring og í fyrra flugu frá Keflavíkurflugvelli 99 þúsund farþegar með franskt vegabréf. Það jafngildir því að fimm af hverjum 100 ferðamönnum hér á landi séu franskir enda eru flugsamgöngur milli Íslands og Parísar tíðar og stefnir í að þeir verði óvenju miklar næsta vetur. Það eru því …

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …