Samfélagsmiðlar

Náðu samkomulagi við Boeing vegna MAX

Þörfin fyrir nýjar flugvélar er ekki eins mikil í dag og því hefur TUI samið við Boeing um að bíða með afhendingu MAX þota og um leið verður innborgunum seinkað.

TUI rekur sitt eigið flugfélag og flýgur þannig viðskiptavinum sínum út um allan heim.

Ferðaskrifstofuveldið TUI rekur sitt eigið flugfélag og þar var Boeing MAX ætlað stórt hlutverk. Stjórnendur þess höfðu þannig pantað sjötíu og sex eintök af þotunum.

Aðeins fimmtán höfðu verið afhentar í mars í fyrra þegar allar flugvélar af þessari gerð voru kyrrsettar í kjölfar tveggja flugslysa þar sem 346 manns misstu lífið.

Öfugt við Icelandair þá sótti TUI ekki skaðabætur til Boeing í fyrra vegna kyrrsetningarinnar en núna í morgun tilkynnti félagið að náðst hefði samkomulag við flugvélaframleiðandann.

Það felur í sér að Boeing mun bæta TUI stærstan hluta þess fjárhagslega skaða sem kyrrsetning þotanna hefur valdið.

Á sama tíma verður afhendingu nýrra flugvéla seinkað um að jafnaði tvö ár. Þetta eykur sveigjanleikan í rekstri TUI og styrkir um leið lausafjárstöðu fyrirtækisins samkvæmt því sem segir í tilkynningu.

Að öðru leyti ríkir trúnaður um samkomulag TUI og Boeing. Það sama má segja um þá tvo samninga sem Icelandair hefur gert við bandaríska flugvélaframleiðandann um skaðabætur vegna stöðunnar á MAX þotunum. Ekki liggur fyrir hversu háar þær voru og hvort samkomulagið hafi einnig falið í sér breytta áætlun á afhendingu þeirra tíu þota sem Icelandair á eftir að fá.

Það kom þó fram á hluthafafundi Icelandair í lok maí að viðræður eru í gangi við Boeing verksmiðjurnar vegna MAX þotanna.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …