Samfélagsmiðlar

Reikna með 85 til 95 prósent færri farþegum í sumar

Útlitið er dökkt á fjölförnustu flughöfn Norðurlanda.

Frá Kaupmannahafnarflugvelli. Þessa dagana er hægt að fljúga þangað frá Keflavíkurflugvelli með bæði Icelandair og SAS.

Það er von á þrjátíu og einni farþegaþotu til Kaupmannahafnar í dag frá útlöndum og þar af eru tvær á vegum Icelandair. Umferðin er því ennþá mjög takmörkuð um flugvöllinn við Kastrup en hann hefur verið fjölfarnasta flughöfn Norðurlanda um langt árabil.

Dönsk stjórnvöld hafa aðeins opnað landið fyrir ferðafólki frá Þýskalandi, Noregi og Íslandi og það hefur sín áhrif á flugumferðina í Kaupmannahöfn. Þangað koma þó farþegaþotur frá fleiri löndum en þessum þremur en þeir farþegar sem eiga ekki heima í Danmörku verða að halda áfram í flugi eitthvert annað.

Vegna þessara takmarkanna þá reikna stjórnendur Kaupmannahafnarflugvallar með því að fjöldi farþega í flugstöðinni í sumar verðir 85 til 95 prósent minni en á sama tíma í fyrra.

„Hinn gríðarlegi samdráttur í fjölda flugferða og flugfarþega hefur valdið mikilli krísu í dönskum fluggeira. Og nú sjáum við fram á rólegasta sumarið í manna minnum,“ segir Peter Krogsgaard, yfirmaður viðskiptasviðs Kaupmannahafnarflugvallar, í tilkynningu.

Það ríkir vaxandi óþol í dönskum ferðageira vegna stefnu dönsku ríkisstjórnarinnar varðandi opnun landamæranna. Meðal þeirra sem hana gagnrýna er Lars Løkke Rasmussen, fyrrum forsætisráðherra. Hann situr í utanríkismálanefnd danska þingsins og ætlar að beita sér fyrir frekari opnun landamæra Danmerkur líkt og sjá má í tísti hans hér fyrir neðan.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …