Samfélagsmiðlar

Samningar við flugstéttir duga ekki einir sér

Langtíma kjarasamningar við flugmenn, flugvirkja og flugfreyjur liggja nú fyrir en ekki hefur náðst samkomulag við helstu kröfuhafa Icelandair samsteypunnar.

Stjórnendur Icelandair lögðu ofurkapp á að ná langtíma kjarasamningum við flugmenn, flugfreyjur og flugvirkja nú í sumarbyrjun. Þess háttar samningar voru að þeirra mati forsenda fyrir því að fjárfestar myndu leggja félaginu til um þrjátíu milljarða króna í boðuðu hlutafjárútboði.

Þessir kjarasamnigar liggja nú fyrir en þrátt fyrir það verður að fresta hlutafjárútboði Icelandair enn um sinn. Upphaflega var gert ráð fyrir að fjárfestakynning yrði birt þann 15. júní sl. en því var svo seinkað um hálfan mánuð eða til dagsins í dag. Samkvæmt tilkynningu frá Icelandair nú í morgunsárið er nú bundnar væntingar við að hlutafjárútboð fari fram í ágúst.

Ástæðan fyrir seinkuninni er sú að ennþá standa yfir viðræður við kröfuhafa, t.d. flugvélaleigusala og færsluhirða. Til síðarnefnda hópsins tilheyrir franska fyrirtækið Ingenico en það sá einnig um greiðslumiðlum fyrir WOW air. Talsmenn Ingenico hafa ekki viljað tjáð sig við Túrista um stöðu viðræðna við Icelandair.

Sambærileg svör fást frá blaðafulltrúum Boeing. Stjórnendur Icelandair hafa áður gefið út að viðræðurnar við bandaríska flugvélaframleiðandann snúist um frekari bætur vegna kyrrsetningar MAX vélanna og afhendingu á útistandandi flugvélum.

Í tilkynningu Icelandair í morgun segir að fyrirtæki vinni nú með íslenskum stjórnvöldum, Íslandsbanka og Landsbankanum að útfærslu ríkisábyrgðar á láni til félagsins. Sú lánafyrirgreiðsla verði háð samkomulagi við kröfuhafa og að félagið nái markmiðum sínum um öflun nýs hlutafjár.

„Fari svo að samningaviðræður skili ekki tilætluðum árangri, mun félagið þurfa að ljúka fjárhagslegri endurskipulagningu án aðkomu íslenskra stjórnvalda. Slíkt ferli gæti tekið allt að tólf mánuði og á meðan á því stæði þyrfti félagið að fresta öllum greiðslum til fjármögnunaraðila félagsins,“ segir í tilkynningu.

Þar kemur jafnframt fram að það sé mat stjórnenda Icelandair samsteypunnar að fjárhagsleg endurskipulagning sem byggi á gagnkvæmum samningum við kröfuhafa sé ákjósanlegasta leiðin til að tryggja hagsmuni allra aðila, þar með talið hluthafa, fjármögnunaraðila, birgja, viðskiptavina og starfsfólks.

Handbært fé Icelandair samsteypunnar er nú um 150 milljónir Bandaríkjadala (tæplega 21 milljarður íslenskra króna), sem er það umfram þriggja mánaða rekstrarkostnað miðað við núverandi aðstæður. Gera má ráð fyrir að töluverður hluti upphæðarinnar sé skuldbinding félagsins gagnvart farþegum sem eiga pantað far með Icelandair á komandi mánuðum.

Nýtt efni

„Afkoma fyrsta ársfjórðungs var í takt við væntingar okkar en rekstrarniðurstaðan í janúarmánuði litaðist af áhrifum alþjóðlegrar umfjöllunar um eldgos á Reykjanesi. Við nýttum þann mikla sveigjanleika sem félagið býr yfir til að laga sætaframboð að markaðsaðstæðum og jukum fjölda tengifarþega um 48 prósent með aukinni áherslu á þann markað þar sem markaðurinn til Íslands …

Áður en skemmtiferðaskipin taka að fylla götur Ísafjarðar af forvitnum ferðalöngum eru tvær helgar að vori sem fylla bæinn af heldur ólíkum hópum fólks. Sú fyrri er páskahelgin þegar tónlistarfólk og áhangendur þeirra þyrpast í bæinn til að taka þátt í rokkhátíð alþýðunnar, Aldrei fór ég suður, og sú síðari er Fossavatnshelgin, sem fór fram …

Tekjur Finnair drógust saman um tvö prósent á fyrsta fjórðungi ársins þrátt fyrir að finnska flugfélagið hafi aukið framboðið. Skýringin á samdrættinum liggur í verkföllum, verri sætanýtingu og lægri tekjum af fraktflutningum samkvæmt uppgjöri félagsins sem birt var í morgun. Rekstrarkostnaður Finnair á fyrsta ársfjórðungi var á pari við sama tímabil í fyrra og tapaði …

Allt þar til að Boeing Max krísan hófst, í ársbyrjun 2019, framleiddi Boeing fleiri þotur en keppinauturinn, Airbus. Kyrrsetningar og endurteknir framleiðslugallar hafa hins vegar orðið til þess að hægt hefur á framleiðslunni í verksmiðlum Boeing og eftirspurnin minnkað. Í fyrra framleiddi Airbus 735 þotur en Boeing 528 og mun bilið að öllu óbreyttu breikka …

Fataverslunin Húrra Reykjavík opnar í brottfararsal Keflavíkurflugvallar í vor og verður þar boðið upp á úrval af fatnaði og skóm frá vinsælum vörumerkjum fyrir farþega á leið úr landi. „Við erum að stíga stór skref með opnun þessarar nýju og glæsilegu verslunar, sem á sér stað í tilefni af 10 ára afmæli fyrirtækisins. Þetta er …

MYND: ÓJ

„Þetta er ein heitasta gjafavara Íslands, það get ég sagt fullum fetum. Seljum mikið á netinu hjá okkur út um allan heim,“ segir Baldur Ólafsson, markaðsstjóri Bónus, við fyrirspurn FF7 um vinsældir burðarpoka Bónus meðal ferðamanna.  Áberandi er við verslanir Bónus í miðborginni að ferðamenn kaupa þar gjarnan marga burðarpoka úr endurefni efni sem skarta …

Koffínlausar kaffibaunir eru hefðbundnar kaffibaunir þar sem beiskjuefnið og örvandi hlutinn koffín hefur verið fjarlægt. Útbreiddasta og ódýrasta ferlið við að losa baunirnar við koffínið er hins vegar orðið umdeilt þar sem efnasambönd sem við það eru notuð eru nú tengd við ýmsa heilsufarskvilla.Hægt er að beita nokkrum aðferðum við að losa kaffibaunir við koffín. …

Þrjátíu og átta trilljónir er tala sem er svolítið erfitt að skilja. Trilljón er notað í Bandaríkjunum yfir það sem við Íslendingar köllum billjón, og billjón er þúsund milljarðar, eða milljón milljónir. Á núverandi gengi eru 38 trilljónir Bandaríkjadala sama og 5.320 billjónir íslenskra króna, eða 5,3 milljón milljarðar.  Það er gott að hafa þetta …