Samfélagsmiðlar

Svona verður staðið að endurreisn SAS

Nýtt hlutafé, skuldabréfaútgáfa og umfangsmiklar uppsagnir eiga að koma SAS á flug á ný.

Rickard Gustafson forstjóri SAS leiddi félagið í gegnum mikla endurskipulagninu árið 2012 og nú bíður ennþá stærra verkefni.

Strax í upphafi Covid-19 faraldursins fékk SAS vilyrði fyrir lánum frá ríkisstjórnum Danmerkur, Svíþjóðar og Noregs. Það varð þó fljótlega ljóst að það eitt myndi ekki duga til að koma félaginu í gegnum krísuna sem ennþá sér ekki fyrir endann á.

Þannig fullyrti stjórnarmaðurinn Jacob Wallenberg, fulltrúi stærsta einkafjárfestisins í félaginu, að það væri í raun aðeins á færi hins opinbera að endurræsa flugfélög. Vísaði hann til þess að stærstu eigendur SAS eru danska og sænska ríkið. Wallenberg viðraði einnig þá hugmynd að Norðmenn myndu á ný koma inn í hluthafahópinn.

Möguleg fjárfesting norska ríkisins í SAS var í framhaldinu meðal annars til umræðu á norska þinginu. Nú liggur þó ljóst fyrir að Noregur eignast ekki hlut í SAS á ný samkvæmt tilkynningu sem flugfélagið sendi frá sér nú í morgunsárið.

Þar segir að nú sé ætlunin að afla flugfélaginu um 12 milljarða sænskra króna eða um 179 milljarða íslenskra króna. Helmingur upphæðarinnar kemur í gegnum hlutafjárútgáfu og hinn helmingurinn með útgáfu skuldabréfa.

Stærstu hluthafar SAS, danska og sænska ríkið auk Wallenberg sjóðsins, munu leggja félaginu til stærsta hluta fjársins en ekki liggur fyrir hvernig eignahlutföllinn breytast í kjölfarið. Í dag er sænska ríkið stærsti hluthafinn í SAS með tæp 15 prósent en danska ríkið með rúm fjórtán prósent. Wallenberg sjóðurinn á um 6 prósent.

Á sama tíma mun SAS grípa til umfangsmikilla sparnaðaraðgerða sem eiga að skila um fjórum milljörðum sænskra króna. Hluti af því eru hinar gríðarlegu uppsagnir sem boðaðar hafa verið. Þannig verður starfsmönnum félagsins fækkað úr ellefu í fimm þúsund. Auk þess er vonast til að vinnuframlag þeirra sem eftir eru muni aukast um 20 til 25 prósent.

Þar er sérstaklega horft til flugáhafna samkvæmt því sem Dagens Næringsliv hefur eftir Rickard Gustafson, forstjóra SAS, nú í morgun. Hann tilgreinir einnig að fleiri þotur verði teknar úr umferð yfir vetrarmánuðina og eins muni viðhald flugvéla færast meira yfir í næturvinnu.

Auk alls þessa þá ætlast SAS til þess að birgjar félagsins muni semja um betri skilmála og eins stendur til að leggja eldri flugvélum mun fyrr en áður var gert ráð fyrir.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …