Samfélagsmiðlar

Tékkar gefa grænt ljós á íslenska túrista

Þegnar nítján Evrópuríkja þurfa ekki að sýna fram á neikvæðar niðurstöður í Covid-19 prófi þegar þeir heimsækja Tékkland. Þar á meðal eru Íslendingar en Tékkar þurfa þó að sanna að þeir eru smitlausir þegar þeir lenda á Keflavíkurflugvelli.

Þann 17. júní hefst áætlunarflug á ný frá Prag til Íslands.

Þann fimmtánda júní ætla Tékkar, líkt og Íslendingar, að opna landamæri sín fyrir ferðafólki frá Evrópu. Af þeim sökum hafa tékknesk stjórnvöld tekið upp litakerfi til að flokka þjóðir álfunnar með tilliti til útbreiðslu kórónaveirunnar í viðkomandi löndum.

Í græna flokkinn fara þær þjóðir sem Tékkar telja ólíklegar til að bera Covid-19 yfir landamærin. Nítján lönd, þar á meðal Ísland, flokkast sem græn hjá tékkneskum yfirvöldum og þurfa þegnar þeirra ekki að framvísa neikvæðri niðurstöðu úr nýju smitprófi við komuna til Tékklands.

Það þurfa aftur á móti íbúar appelsínugulu ríkjanna að gera. Þar á meðal eru Danir, Portúgalir, Hollendingar og Írar eins og sjá má á kortinu hér fyrir neðan sem Adam Vojtéch, heilbrigðisráðherra Tékklands, birti á Twitter. Tékkar sem snúa heim frá þessum löndum þurfa þó ekki í próf.

Bretar og Svíar er svo einu þjóðirnar sem lenda í rauða hópnum og verða ferðamenn þaðan prófaðir við komuna til Tékklands.

Tékkar hafa líkt og mörg lönd í austurhluta Evrópu komist nokkuð vel frá heimsfaraldrinum. Þar voru staðfest smit rétt rúmlega 9 þúsund í byrjun vikunnar og er 321 dauðsfall rakið til Covid-19.

Tékkneska flugfélagið Czech Airliens ætlar að hefja Íslandsflug frá Prag á ný þann 17. júní og verða farnar tvær ferðir í viku. Tékkar sem hingað koma þurfa þó að sýna fram á neikvæðar niðurstöður í nýju prófi við kórónaveirunni. Öfugt við þá Íslendinga sem halda til Tékklands nú í sumarbyrjun.

Nýtt efni
Veitingaþjónusta

Íslenskt atvinnulíf er mjög háð aðfluttu vinnuafli. Það á ekki síst við um ferðaþjónustuna. Umsvif hennar væru mun minni ef ekki kæmu hingað útlendingar þúsundum saman til starfa á ári hverju. Samkvæmt Hagstofunni voru 35.233 starfandi í einkennandi greinum ferðaþjónustu á Íslandi í júní 2023. Þar af voru um 15.500 útlendingar.  Heildartalan yfir þá sem …

Áætlunarflug milli Akureyrar og London hófst í lok október og síðan þá hafa þotur Easyjet flogið þessa leið tvisvar í viku en engin talning fer fram á fjölda ferðamanna á Akureyrarflugvelli öfugt við það sem tíðkast á Keflavíkurflugvelli. Til að meta fjölda breskra ferðamanna í beina fluginu þarf því að styðjast við gistináttatölur Hagstofunnar en …

Frakkar fjölmenna til Íslands allt árið um kring og í fyrra flugu frá Keflavíkurflugvelli 99 þúsund farþegar með franskt vegabréf. Það jafngildir því að fimm af hverjum 100 ferðamönnum hér á landi séu franskir enda eru flugsamgöngur milli Íslands og Parísar tíðar og stefnir í að þeir verði óvenju miklar næsta vetur. Það eru því …

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …