Samfélagsmiðlar

Áætlanir PLAY tekið töluverðum breytingum vegna aðstæðna

Þó flugumferð hafi aukist þá eru vísbendingar um að þoturnar séu oft hálftómar og afkoma af flugrekstri því ólíklega góð í dag. Forstjóri PLAY segir að félagið geti ekki aðeins farið fyrr af stað ef færi gefst heldur líka beðið lengur ef þörf er á.

Arnar Már Magnússon, forstjóri PLAY.

Forstjóri Ryanair, stærsta lággjaldaflugfélags Evrópu, sagði það ómögulegt að reka flugfélag ef krafa yrði gerð um að halda miðjusætinu tómu vegna smithættu. Ástæðan er sú að ekki er nóg að hafa aðeins tekjur af tveimur af hverjum þremur sætum um borð.

Arðbær lággjaldaflugfélög eru vanalega með mjög háa sætanýtingu eða nokkuð yfir níutíu prósent. Sú viðskiptaáætlun sem forsvarsmenn PLAY kynntu fjárfestum sl. vetur gerði til að mynda ráð fyrir að nýtingin yrði um níutíu prósent fyrsta rekstrarárið.

Í dag er staðan í fluginu allt önnur og þannig var um annað hvert sæti í þotum ungverska lággjaldafélagsins Wizz Air skipað farþegum í júní.

Spurður hvort PLAY gæti haldið úti arbærum flugrekstri í núverandi umhverfi þá segir Arnar Már Magnússon, forstjóri félagsins, að viðskiptaáætlun þess hafi þróast og breyst töluvert sem rekja megi til Covid-19 heimsfaraldursins.

„Við höfum þurft að aðlaga viðskiptaáætlunina að breyttum aðstæðum en teljum að eftirspurn eftir flugi fari vaxandi þegar líður á árið 2021. Við ætlum því að nota tímann vel fram að næsta sumri til þess að koma okkur fyrir á markaðnum, byggja upp PLAY og vera þannig tilbúin þegar að eftirspurnin eykst. Við höfum séð það í fyrri krísum að eftirspurn eftir flugi kemur tilbaka,“ segir Arnar Már.

Hversu há þarf sætanýtingin hjá PLAY að vera til að reksturinn sé á núlli?

„Miðað við aðstæður á markaði í dag er erfitt að segja eina nákvæma tölu um nýtingu sem þarf til að félagið sé á núlli. Það eru utanaðkomandi áhrif sem hafa mikið vægi í lokaniðurstöðunni eins og til að mynda eldsneytisverð sem hefur verið lægra undanfarin misseri miðað við árin á undan. Í okkar áætlunum þá reiknum við með töluvert hærra eldsneytisverði en markaðsverð er í dag. Rík áhersla hefur verið lögð á kostnaðarstrúktúr félagsins í undirbúningi og rekstri en við sjáum það á tímum sem þessum að þau félög sem hafa staðið öðrum framar eru þau sem hafa fyrir verið með lágan kostnað og haldið uppi aga í þeim efnum,“ svarar Arnar Már.

Í umræðunni um þunga stöðu Icelandair hafið þið gefið til kynna að félagið geti farið fyrr af stað ef þörf krefur. Væri það ekki mjög kostnaðarsamt að hefja starfsemi nú í sumar eða í haust, miðað við umhverfið. Er skynsamlegra að bíða til næsta vors?

„Eins og við setjum upp okkar áætlun þá munum við koma rólega inn á markaðinn í haust og byggja okkur upp yfir vetrartímabilið til að vera tilbúin fyrir sumarið 2021 þegar að eftirspurn fer að taka við sér. Við teljum að eftirspurnin muni aukist jafn og þétt fram á og yfir næsta ár,“ segir Arnar Már.

Hann er þess fullviss að staða PLAY sé einstök og félagið geti þannig farið fyrr af stað en áætlað er en líka beðið lengur. „Þetta er einstök staða að vera í. Við höfum horft til haustsins vegna þeirra aðstæðna sem uppi eru í heiminum og við sjáum fram á vaxandi eftirspurn eftir flugum í gegnum veturinn og inn í sumarið 2021. Sú vinna sem hefur átt sér stað hjá okkur undanfarnar vikur miðar að því.“

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …