Samfélagsmiðlar

Eru í startholunum með sölu á Íslandsferðum frá Bretlandi

Clive Stacey hefur verið tíður gestur hér á landi í nærri hálfa öld og hefur í áratugi skipulagt ferðir Breta til Íslands.

clive turisti is

Clive Stacey, framkvæmdastjóri og eigandi Discover the World.

Clive Stacey, eigandi ferðaskrifstofunnar Discover the World, var einn þeirra sem hélt til Íslands þegar þegar krafan um sóttkví hér á landi var felld niður þann 15. júní. En Stacey hefur í áratugi verið umsvifamikill í skipulagningu á Íslandsferðum fyrir Breta.

„Ástæðan fyrir ferðalagi mínu um Ísland núna í júní var afla efnis sem nýta má á samfélagsmiðlum. Einnig vildi ég sjá með eigin augum hvernig staðan er til að geta gefið viðskiptavinum okkar góðar ráðleggingar,“ segir Stacey.

Aðspurður um stöðuna hér á landi í dag segir hann að hún minni um margt á það þegar hann kom hingað í fyrsta sinn árið 1972. Þó vissulega sé aðbúnaðurinn við ferðamannastaði miklu betri í dag.

„Mín tilfinning er sú að stemningin á Íslandi sé orðin mun hefðbundnari en til að mynda í Bretlandi þar sem miklar takmarkanir ríkja ennþá,“ bætir Stacey við. Hann segist reyndar fúslega viðurkenna að hann hafi aldrei áður notið þess eins vel að fara hringveginn og hann gerði að þessu sinni.

„Veðrið var sérstaklega gott og að sjálfsögðu voru fáir á ferðinni,“ segir Stacey og segir það einnig hafa verið ánægjulegt hversu margir Íslendingar voru á ferðinni út á landi.

Stacey gerir sér vonir um að fljótlega geti ferðamenn farið á milli Íslands og Bretlands án mikilla vandkvæða. Í dag gera bresk stjórnvöld þó ennþá kröfu um að allir sem til Bretlands koma fari í tveggja vikna sóttkví. Líka Bretar sjálfir sem hafa verið erlendis.

Tilslakanir á þeirri reglu eru þó væntanlegar á næstu dögum og þá ætlar Stacey og hans fólk hjá Discover the World að vera tilbúið.

Áhuginn viðskiptavina hans er líka töluverður því samkvæmt nýjustu mælingu þá sýna 14 prósent þeirra áhuga á Íslandsferð strax nú í sumar. Byggir sú niðurstaða á spurningum til 27 þúsund viðskiptavina Discover the World.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …