Full hótel út á landi en bara eitt opið í Reykjavík

Hann er í raun tvískiptur hótelmarkaðurinn hér á landi þessar vikurnar. Að sögn framvæmdastjóra stærstu hótelkeðju landsins er meðalverð á gistingu líka mun lægra en áður.

Frá Fosshótel Reykjavík. Mynd: ÍSLANDSHÓTEL

Síðast­liðnar sumar­ver­tíðir hafa hótel á höfuð­borg­ar­svæðinu staðið undir nærri helm­ingi af umsvif­unum á íslenska hótel­mark­aðnum þegar horft er til fjölda gistinátta. Sumarið í ár er þó allt annað en hefð­bundið vegna Covid-19 og mörg hótel í Reykjavík og nágrenni lokuð.

Þannig er aðeins eitt af sex hótelum Íslands­hótela í Reykjavík opið. Og þrátt fyrir miklu minna framboð þá er herbergja­nýt­ingin rétt um helm­ingur af því sem var síðast­liðið sumar að sögn Davíð Torfa Ólafs­sonar, fram­kvæmda­stjóra Íslands­hótela.

Hann segir stöðuna á lands­byggð­inni allt aðra. Þar eru átta af ellefu hótelum fyrir­tæk­isins opin og nánast öll herbergi full. Í ágúst verður fjöldi opinna hótela óbreyttur en útlit fyrir nokkru lægri herbergja­nýt­ingu eða um sextíu prósent.

Davíð Torfi segir aðspurður að meðal­verð á gist­ingu nú í sumar sé mun lægra en áður.