Það voru rétt um hundrað og fimmtíu farþegar í fyrstu ferð Norrænu hingað til lands þann sextánda júní. Deginum eftir að slakað var á kröfunni um tveggja vikna sóttkví fyrir alla þá sem til landsins komu. Viku síðar silgdi Norræna hingað með 460 farþega.
Nú í júlí hefur farþegafjöldinn aukist umtalsvert og þannig komu 750 farþegar með skipinu í gær. Og von er á álíka fjölda næstu þrjár vikur samkvæmt upplýsingum frá Smyril line sem rekur Norrænu.
Þar með stefnir í að Norræna flytji hingað til lands hátt í þrjú þúsund farþega í þessum mánuði.
Síðustu sumur hafa á bilinu 900 til 1100 manns nýtt sér hverja ferð Norrænu hingað til lands.