Samfélagsmiðlar

Leita annarra leiða ef flugfreyjur vilja ekki vinna í breyttu umhverfi

Deila Flugfreyjufélags Íslands og Icelandair er á ný komin í hnút. Forstjóri Icelandar Group hefur skilning á því að erfitt sé að samþykkja kjaraskerðingar en þær séu þó forsenda fyrir aðkomu fjárfesta.

Bogi Nils Bogason, forstjóri Icelandair Group.

Félagar í Flugfreyjufélagi Ísland (FFÍ) kolfelldu kjarasamning félagsins við Icelandair. Sá samningur var ein af forsendunum fyrir því að félagið geti farið í boðað hlutafjárútboð líkt og ítrekað hefur komið fram í máli forsvarsfólks Icelandair.

„Ég hef fullan skilning á að erfitt sé að samþykkja eins miklar breytingar á kjarasamningi og gerðar voru. Enda búið að berjast fyrir þessum kjörum í tugi ára. Það er engu að síður staðreynd að síðustu tuttugu ár hafa sprottið upp ný flugfélög með allt annan strúktur í kjaramálum. Gamalgrónir keppinautar eins og t.d. SAS og Finnair hafa af þeim sökum gert breytingar á áhafnasamningum sem leiða af sér lægri kostnað. Við höfum aftur á móti bætt við girðingum í okkar samninga og aukið flækjustig,“ segir Bogi Nils Bogason, forstjóri Icelandair Group.

Hann segir að núna standi félagið á ný frammi fyrir gjörbreyttum flugheimi og breytingar á kjörum séu óumflýjanlegar. „Annars sitjum við eftir. Flugmenn áttuðu sig á þessari stöðu og unnu með félaginu að því að gera viðamiklar breytingar á kjarasamningi,“ bætir Bogi við.

Hann telur ljóst að enginn muni fjárfesta í félaginu ef ekki tekst að gera þessar breytingar.

Félagar í Flugfreyjufélagi Íslands hafa forgang í störf hjá Icelandair en það ákvæði byggir ekki á sama grunni og réttur flugmanna líkt og fram í máli Jóns Þórs Þorvaldssonar, formanns FÍA, hér á Túrista í gær.

Aðspurður vill Bogi ekki tjá sig um líkurnar á því að deilan við Flugfreyjufélag Íslands endi fyrir Félagsdómi. Og þá hvort látið verði reyna á hið fyrrnefnda forgangsréttarákvæði. Hann segir það þó liggja fyrir að ef meðlimir FFÍ vilji ekki starfa hjá flugfélaginu í þessu breytta umhverfi þá verður að leita annarra leiða. „Við erum að skoða stöðuna.“

Samkvæmt því sem Túristi kemst næst þá myndi kjaradeila Icelandair og FFÍ aðeins enda á borði Félagsdóms ef Icelandair semur við annað stéttarfélag flugfreyja og flugþjóna. Í framhaldinu væri viðbúið að Flugfreyjufélagið myndi láta reyna á fyrrnefnt forgangsréttarákvæði.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …